[475] Pītisahagataṃ dhammaṃ paṭicca pītisahagato dhammo uppajjati naadhipatipaccayā . na adhipati paṭisandhikkhaṇe paripuṇṇaṃ. Napurejātapaccayā arūpeti niyāmetabbaṃ paṭisandhikkhaṇeti ca . ... napacchājātapaccayā naāsevanapaccayā . pītisahagataṃ dhammaṃ paṭicca pītisahagato dhammo uppajjati nakammapaccayā pītisahagate khandhe paṭicca pītisahagatā cetanā . pītisahajataṃ dhammaṃ paṭicca sukhasahagato dhammo uppajjati nakammapaccayā pītisahagate khandhe paṭicca sukhasahagatā cetanā . Iminā kāraṇena dasa pañhā vitthāretabbā . pītisahagataṃ dhammaṃ paṭicca pītisahagato dhammo uppajjati navipākapaccayā .pe. Paripuṇṇaṃ. Paṭisandhi natthi .pe.

[476] Sukhasahagataṃ dhammaṃ paṭicca sukhasahagato dhammo uppajjati najhānapaccayā sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā dve khandhe paṭicca eko khandho.

[477] Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā cakkhuviññāṇasahagataṃ ekaṃ khandhaṃ paṭicca dve khandhā dve khandhe paṭicca eko khandho . namaggapaccayā nahetupaccayasadisaṃ . moho natthi . navippayuttapaccayā paripuṇṇaṃ arūpapañhameva.

[478] Nahetuyā dasa naadhipatiyā dasa napurejāte napacchājāte Naāsevane nakamme navipāke dasa najhāne dve namagge dasa navippayatte dasa. Paccanīyaṃ paripuṇṇaṃ kātabbaṃ. Paccanīyaṃ.