[38] Savitakkasavicārañca avitakkaavicārañca dhammaṃ paṭicca savitakkasavicāro ca avitakkaavicāro ca dhammā .pe. paṭisandhikkhaṇe savitakkasavicāraṃ ekaṃ khandhañca vatthuñca paṭicca tayo khandhā dve khandhe ca vatthuñca paṭicca dve khandhā savitakkasavicāre khandhe ca mahābhūte ca paṭicca kaṭattārūpaṃ khandhā vatthuṃ vippayuttapaccayā kaṭattārūpaṃ khandhe vippayuttapaccayā. {38.1} Savitakkasavicārañca avitakkaavicārañca dhammaṃ paṭicca avitakka- vicāramatto ca avitakkaavicāro ca dhammā ... Paṭisandhikkhaṇe savitakka- savicāre khandhe ca vatthuñca paṭicca vitakko savitakkasavicāre khandhe ca mahābhūte ca paṭicca kaṭattārūpaṃ vitakko vatthuṃ vippayuttapaccayā kaṭattārūpaṃ khandhe vippayuttapaccayā . Savitakkasavicārañca avitakkaavicārañca dhammaṃ paṭicca Savitakkasavicāro ca avitakkavicāramatto ca dhammā ... paṭisandhikkhaṇe savitakkasavicāraṃ ekaṃ khandhañca vatthuñca paṭicca tayo khandhā vitakko ca dve khandhe ca vatthuñca paṭicca dve khandhā vitakko ca vatthuṃ vippayuttapaccayā.

[39] Savitakkasavicārañca avitakkaavicārañca dhammaṃ paṭicca savitakka- savicāro ca avitakkavicāramatto ca avitakkaavicāro ca dhammā ... Paṭisandhikkhaṇe savitakkasavicāraṃ ekaṃ khandhañca vatthuñca paṭicca tayo khandhā vitakko ca dve khandhe ca vatthuñca paṭicca dve khandhā vitakko ca savitakkasavicāre khandhe ca mahābhūte ca paṭicca kaṭattārūpaṃ khandhā ca vitakko ca vatthuṃ vippayuttapaccayā kaṭattārūpaṃ khandhe vippayuttapaccayā.

[40] Avitakkavicāramattañca avitakkaavicārañca dhammaṃ paṭicca savitakkasavicāro dhammo ... paṭisandhikkhaṇe vitakkañca vatthuñca paṭicca savitakkasavicārā khandhā vatthuṃ vippayuttapaccayā. {40.1} Avitakkavicāramattañca avitakkaavicārañca dhammaṃ paṭicca avitakkavicāramatto dhammo ... avitakkavicāramattaṃ ekaṃ khandhañca vicārañca paṭicca tayo khandhā dve khandhe ca vatthuṃ vippayuttapaccayā paṭisandhikkhaṇe avitakkavicāramattaṃ ekaṃ khandhañca vicārañca paṭicca tayo khandhā dve khandhe ca vatthuṃ vippayuttapaccayā paṭisandhikkhaṇe avitakkavicāramattaṃ ekaṃ khandhañca vatthuñca paṭicca tayo khandhā Dve khandhe ca vatthuñca vippayuttapaccayā. {40.2} Avitakkavicāramattañca avitakkaavicārañca dhammaṃ paṭicca avitakkaavicāro dhammo ... avitakkavicāramatte khandhe ca vicārañca paṭicca cittasamuṭṭhānaṃ rūpaṃ khandhe ca vicārañca vippayuttapaccayā avitakkavicāramatte khandhe ca vicārañca mahābhūte ca paṭicca cittasamuṭṭhānaṃ rūpaṃ khandhe vippayuttapaccayā vitakkañca mahābhūte ca paṭicca cittasamuṭṭhānaṃ rūpaṃ vitakkaṃ vippayuttapaccayā paṭisandhikkhaṇe avitakkavicāramatte khandhe ca vicārañca paṭicca kaṭattārūpaṃ khandhe ca vicārañca vippayuttapaccayā paṭisandhikkhaṇe avitakkavicāramatte khandhe ca mahābhūte ca paṭicca kaṭattārūpaṃ khandhe vippayuttapaccayā paṭisandhikkhaṇe vitakkañca mahābhūte ca paṭicca kaṭattārūpaṃ vitakkaṃ vippayuttapaccayā paṭisandhikkhaṇe avitakka- vicāramatte khandhe ca vatthuñca paṭicca vicāro vatthuṃ vippayuttapaccayā.