[522] Pītisahagato ca sukhasahagato ca dhammā pītisahagatassa dhammassa ... sukhasahagatassa dhammassa ... upekkhāsahagatassa dhammassa anantarapaccayena paccayo pītisahagatañca sukhasahagatañca cuticittaṃ upekkhāsahagatassa upapatticittassa pītisahagatañca sukhasahagatañca bhavaṅgaṃ āvajjanāya pītisahagatā ca sukhasahagatā ca vipākamanoviññāṇadhātu kiriyāmanoviññāṇadhātuyā pītisahagatañca sukhasahagatañca bhavaṅgaṃ upekkhāsahagatassa bhavaṅgassa pītisahagatañca sukhasahagatañca kusalākusalaṃ upekkhāsahagatassa vuṭṭhānassa kiriyaṃ vuṭṭhānassa phalaṃ vuṭṭhānassa anantarapaccayena paccayo.

[523] Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ . saṅkhittaṃ . Pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo.

[524] Pītisahagato dhammo pītisahagatassa dhammassa samanantarapaccayena paccayo. Anantarapaccayasadisaṃ.

[525] Pītisahagato dhammo pītisahagatassa dhammassa sahajātapaccayena paccayo pītisahagato eko khandho tiṇṇannaṃ khandhānaṃ sahajātapaccayena paccayo dve khandhā dvinnaṃ khandhānaṃ sahajātapaccayena paccayo . Paṭiccasadisaṃ. Sahajāte dasa pañhā.