[41] Avitakkavicāramattañca avitakkaavicārañca dhammaṃ paṭicca savitakka- savicāro ca avitakkaavicāro ca dhammā uppajjanti vippayuttapaccayā paṭisandhikkhaṇe vitakkañca vatthuñca paṭicca savitakkasavicārā khandhā vitakkañca mahābhūte ca paṭicca kaṭattārūpaṃ khandhā vatthuṃ vippayuttapaccayā kaṭattārūpaṃ vitakkaṃ vippayuttapaccayā. {41.1} Avitakkavicāramattañca avitakkaavicārañca dhammaṃ paṭicca avitakkavicāramatto ca avitakkaavicāro ca dhammā ... Avitakkavicāramattaṃ Ekaṃ khandhañca vicārañca paṭicca tayo khandhā cittasamuṭṭhānañca rūpaṃ khandhā vatthuṃ vippayuttapaccayā cittasamuṭṭhānaṃ rūpaṃ khandhe ca vicārañca vippayuttapaccayā paṭisandhikkhaṇe avitakkavicāramattaṃ ekaṃ khandhañca vicārañca paṭicca tayo khandhā kaṭattā ca rūpaṃ khandhā vatthuṃ vippayutta- paccayā kaṭattārūpaṃ khandhe ca vicārañca vippayuttapaccayā paṭisandhikkhaṇe avitakkavicāramattaṃ ekaṃ khandhañca vatthuñca paṭicca tayo khandhā dve khandhe ca avitakkavicāramatte khandhe ca mahābhūte ca paṭicca kaṭattārūpaṃ khandhā vatthuṃ vippayuttapaccayā kaṭattārūpaṃ khandhe vippayuttapaccayā paṭisandhikkhaṇe avitakkavicāramattaṃ ekaṃ khandhañca vatthuñca paṭicca tayo khandhā vicāro ca dve khandhe ca ... Vatthuṃ vippayuttapaccayā.

[42] Savitakkasavicārañca avitakkavicāramattañca dhammaṃ paṭicca savitakkasavicāro dhammo uppajjati ... savitakkasavicāraṃ ekaṃ khandhañca vitakkañca paṭicca tayo khandhā dve khandhe ca vatthuñca vippayuttapaccayā paṭisandhikkhaṇe vatthuṃ vippayuttapaccayā . savitakkasavicārañca avitakka- vicāramattañca dhammaṃ paṭicca avitakkaavicāro dhammo uppajjati ... Savitakkasavicāre khandhe ca vitakkañca paṭicca cittasamuṭṭhānaṃ rūpaṃ khandhe ca vitakkañca vippayuttapaccayā paṭisandhikkhaṇe khandhe ca vitakkañca vippayuttapaccayā.

[43] Savitakkasavicārañca avitakkavicāramattañca dhammaṃ paṭicca Savitakkasavicāro ca avitakkaavicāro ca dhammā uppajjanti ... Savitakkasavicāraṃ ekaṃ khandhañca vitakkañca paṭicca tayo khandhā cittasamuṭṭhānañca rūpaṃ dve khandhe ... khandhā vatthuṃ vippayuttapaccayā cittasamuṭṭhānaṃ rūpaṃ khandhe ca vitakkañca vippayuttapaccayā paṭisandhikkhaṇe khandhā vatthuṃ vippayuttapaccayā kaṭattārūpaṃ khandhe ca vitakkañca vippayuttapaccayā.