[529] Pītisahagato dhammo upekkhāsahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagataṃ saddhaṃ upanissāya upekkhāsahagatena cittena dānaṃ deti ... abhiññaṃ uppādeti samāpattiṃ uppādeti ... diṭṭhiṃ gaṇhāti pītisahagataṃ sīlaṃ ... patthanaṃ upanissāya upekkhāsahagatena cittena dānaṃ deti ... nigamaghātaṃ karoti pītisahagatā saddhā ... patthanā upekkhāsahagatāya saddhāya patthanāya upanissayapaccayena paccayo.

[530] Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti ... Diṭṭhiṃ gaṇhāti pītisahagataṃ sukhasahagataṃ sīlaṃ ... patthanaṃ upanissāya pītisahagatena ca sukhasahagatena ca cittena dānaṃ deti ... nigamaghātaṃ karoti pītisahagatā saddhā ... patthanā pītisahagatāya ca sukhasahagatāya ca saddhāya patthanāya upanissayapaccayena paccayo.

[531] Sukhasahagato dhammo sukhasahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: sukhasahagataṃ saddhaṃ upanissāya sukhasahagatena cittena dānaṃ deti ... diṭṭhiṃ gaṇhāti sukhasahagataṃ sīlaṃ ... Patthanaṃ ... Sukhasahagataṃ kāyaviññāṇaṃ upanissāya sukhasahagatena cittena dānaṃ deti ... nigamaghātaṃ karoti sukhasahagatā saddhā ... Patthanā ... Sukhasahagataṃ kāyaviññāṇaṃ sukhasahagatāya saddhāya patthanāya sukhasahagatassa kāyaviññāṇassa upanissayapaccayena paccayo.

[532] Sukhasahagato dhammo pītisahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: sukhasahagataṃ saddhaṃ upanissāya pītisahagatena cittena dānaṃ deti ... diṭṭhiṃ gaṇhāti sukhasahagataṃ sīlaṃ ... Patthanaṃ ... Sukhasahagataṃ kāyaviññāṇaṃ upanissāya pītisahagatena cittena dānaṃ deti ... nigamaghātaṃ karoti sukhasahagatā saddhā ... Patthanā ... Sukhasahagataṃ kāyaviññāṇaṃ pītisahagatāya saddhāya patthanāya upanissayapaccayena paccayo.

เล่มที่ ๔๑ ปัฏฐาน ภาค ๒๑๓๐

ที่มาและฉบับอื่นของ “ปัญหาวาร”