[537] Upekkhāsahagato dhammo sukhasahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: upekkhāsahagataṃ saddhaṃ upanissāya sukhasahagatena cittena dānaṃ deti ... diṭṭhiṃ gaṇhāti upekkhāsahagataṃ sīlaṃ ... Patthanaṃ upanissāya sukhasahagatena cittena dānaṃ deti ... nigamaghātaṃ karoti upekkhāsahagatā saddhā ... patthanā sukhasahagatāya saddhāya patthanāya sukhasahagatassa kāyaviññāṇassa upanissayapaccayena paccayo.

[538] Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti ... Diṭṭhiṃ gaṇhāti upekkhāsahagataṃ sīlaṃ ... patthanaṃ upanissāya pītisahagatena ca sukhasahagatena ca cittena dānaṃ deti ... Nigamaghātaṃ karoti upekkhāsahagatā saddhā ... patthanā pītisahagatāya ca sukhasahagatāya ca saddhāya patthanāya upanissayapaccayena paccayo.

[539] Pītisahagato ca sukhasahagato ca dhammā pītisahagatassa Dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagatañca sukhasahagatañca saddhaṃ upanissāya pītisahagatena cittena dānaṃ deti ... diṭṭhiṃ gaṇhāti pītisahagatañca sukhasahagatañca sīlaṃ ... patthanaṃ upanissāya pītisahagatena cittena dānaṃ deti ... nigamaghātaṃ karoti pītisahagatā ca sukhasahagatā ca saddhā ... patthanā pītisahagatāya saddhāya patthanāya upanissayapaccayena paccayo.

[540] Pītisahagato ca sukhasahagato ca dhammā sukhasahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagatañca sukhasahagatañca saddhaṃ upanissāya sukhasahagatena cittena dānaṃ deti ... diṭṭhiṃ gaṇhāti pītisahagatañca sukhasahagatañca sīlaṃ ... patthanaṃ upanissāya sukhasahagatena cittena dānaṃ deti ... nigamaghātaṃ karoti pītisahagatā ca sukhasahagatā ca saddhā ... patthanā sukhasahagatāya saddhāya patthanāya sukhasahagatassa kāyaviññāṇassa upanissayapaccayena paccayo.