[541] Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti ... Abhiññaṃ uppādeti ... diṭṭhiṃ gaṇhāti pītisahagatañca sukhasahagatañca Sīlaṃ ... patthanaṃ upanissāya upekkhāsahagatena cittena dānaṃ deti ... Nigamaghātaṃ karoti pītisahagatā ca sukhasahagatā ca saddhā ... patthanā upekkhāsahagatāya saddhāya patthanāya upanissayapaccayena paccayo.

[542] Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti sīlaṃ samādiyati uposathakammaṃ karoti pītisahagatañca sukhasahagatañca jhānaṃ uppādeti vipassanaṃ ... maggaṃ ... Samāpattiṃ ... mānaṃ ... diṭṭhiṃ gaṇhāti pītisahagatañca sukhasahagatañca sīlaṃ ... sutaṃ cāgaṃ paññaṃ rāgaṃ mohaṃ mānaṃ diṭṭhiṃ ... Patthanaṃ upanissāya pītisahagatena ca sukhasahagatena ca cittena dānaṃ deti sīlaṃ samādiyati uposathakammaṃ karoti pītisahagatañca sukhasahagatañca jhānaṃ ... vipassanaṃ ... Maggaṃ ... samāpattiṃ uppādeti pītisahagatena ca sukhasahagatena ca cittena adinnaṃ ādiyati musā bhaṇati pisuṇaṃ bhaṇati samphaṃ palapati sandhiṃ chindati nillopaṃ harati ekāgārikaṃ karoti paripanthe tiṭṭhati paradāraṃ gacchati gāmaghātaṃ karoti nigamaghātaṃ karoti pītisahagatā ca sukhasahagatā ca saddhā ... patthanā pītisahagatāya ca sukhasahagatāya ca saddhāya patthanāya upanissayapaccayena paccayo.

[543] Pītisahagato dhammo pītisahagatassa dhammassa āsevanapaccayena Paccayo purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo pītisahagataṃ anulomaṃ pītisahagatassa gotrabhussa anulomaṃ vodānassa gotrabhu maggassa vodānaṃ maggassa āsevanapaccayena paccayo.