[548] Pītisahagato ca sukhasahagato ca dhammā pītisahagatassa dhammassa ... sukhasahagatassa dhammassa ... pītisahagatassa ca sukhasahagatassa ca dhammassa āsevanapaccayena paccayo purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo . saṅkhittaṃ . Pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo.

[549] Pītisahagato dhammo pītisahagatassa dhammassa kammapaccayena paccayo sahajātā nānākhaṇikā . sahajātā: pītisahagatā cetanā sampayuttakānaṃ khandhānaṃ kammapaccayena paccayo paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo . Nānākhaṇikā: pītisahagatā cetanā vipākānaṃ pītisahagatānaṃ khandhānaṃ kammapaccayena paccayo.

[550] Pītisahagato dhammo sukhasahagatassa dhammassa kammapaccayena paccayo sahajātā nānākhaṇikā . sahajātā: pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ Kammapaccayena paccayo . nānākhaṇikā: pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo.

[551] Pītisahagato dhammo upekkhāsahagatassa dhammassa kammapaccayena paccayo . nānākhaṇikā: pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo.