[552] Pītisahagato dhammo pītisahagatassa ca sukhasahagatassa ca dhammassa kammapaccayena paccayo sahajātā nānākhaṇikā . Sahajātā: pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo paṭisandhikkhaṇe ... . Nānākhaṇikā: pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo.

[553] Sukhasahagato dhammo sukhasahagatassa dhammassa .... Cattāripi gaṇanāni passitvā kātabbā.

[554] Upekkhāsahagato dhammo upekkhāsahagatassa dhammassa kammapaccayena paccayo sahajātā nānākhaṇikā . ... pītisahagatassa dhammassa kammapaccayena paccayo nānākhaṇikā . ... sukhasahagatassa dhammassa kammapaccayena paccayo nānākhaṇikā: upekkhāsahagatā cetanā ... . ... pītisahagatassa ca sukhasahagatassa ca dhammassa kammapaccayena paccayo nānākhaṇikā: upekkhāsahagatā cetanā ... . Pītisahagato ca sukhasahagato ca dhammā pītisahagatassa dhammassa ... Cattāri kātabbāni. Pītisahagataṃ anumajjantena vibhajitabbaṃ.

[555] Pītisahagato dhammo pītisahagatassa dhammassa vipākapaccayena paccayo pītisahagato vipāko eko khandho tiṇṇannaṃ khandhānaṃ vipākapaccayena paccayo dve khandhā dvinnaṃ khandhānaṃ paṭisandhikkhaṇe pītisahagato eko khandho tiṇṇannaṃ khandhānaṃ dve khandhā dvinnaṃ khandhānaṃ .pe. yathā paṭiccavāre hetupaccaye evaṃ vitthāretabbā dasa pañhā.