[44] Savitakkasavicārañca avitakkavicāramattañca avitakkaavicārañca dhammaṃ paṭicca savitakkasavicāro dhammo uppajjati ... paṭisandhikkhaṇe savitakkasavicāraṃ ekaṃ khandhañca vitakkañca vatthuñca paṭicca tayo khandhā dve khandhe ... khandhā vatthuṃ vippayuttapaccayā . Savitakkasavicārañca avitakkavicāramattañca avitakkaavicārañca dhammaṃ paṭicca avitakkaavicāro dhammo uppajjati ... savitakkasavicāre khandhe ca vitakkañca mahābhūte ca paṭicca cittasamuṭṭhānaṃ rūpaṃ khandhe ca vitakkañca vippayuttapaccayā paṭisandhikkhaṇe khandhe ca vitakkañca vippayuttapaccayā.

[45] Savitakkasavicārañca avitakkavicāramattañca avitakka- avicārañca dhammaṃ paṭicca savitakkasavicāro ca avitakkaavicāro ca dhammā uppajjanti vippayuttapaccayā paṭisandhikkhaṇe savitakkasavicāraṃ ekaṃ khandhañca vitakkañca vatthuñca paṭicca tayo khandhā dve khandhe ca savitakkasavicāre khandhe ca vitakkañca mahābhūte ca paṭicca Kaṭattārūpaṃ khandhā vatthuṃ vippayuttapaccayā kaṭattārūpaṃ khandhe ca vitakkañca vippayuttapaccayā.

[46] Savitakkasavicāraṃ dhammaṃ paṭicca savitakkasavicāro dhammo uppajjati atthipaccayā . saṅkhittaṃ . natthipaccayā vigatapaccayā avigatapaccayā.

[47] Hetuyā sattattiṃsa ārammaṇe ekavīsa adhipatiyā tevīsa anantare ekavīsa samanantare ekavīsa sahajāte sattattiṃsa aññamaññe aṭṭhavīsa nissaye sattattiṃsa upanissaye ekavīsa purejāte ekādasa āsevane ekādasa kamme sattattiṃsa vipāke sattattiṃsa āhāre indriye jhāne magge sattattiṃsa sampayutte ekavīsa vippayutte sattattiṃsa atthiyā sattattiṃsa natthiyā ekavīsa vigate ekavīsa avigate sattattiṃsa. Hetupaccayā ārammaṇe ekavīsa. Saṅkhittaṃ . Yathā kusalattike gaṇanā evaṃ gaṇetabbaṃ. Anulomaṃ.