[684] Nevadassanenanabhāvanāyapahātabbo dhammo nevadassanena- nabhāvanāyapahātabbassa dhammassa adhipatipaccayena paccayo ārammaṇādhipati sahajātādhipati . ārammaṇādhipati: dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati pubbe suciṇṇāni ... Jhānā vuṭṭhahitvā jhānaṃ garuṃ katvā paccavekkhati ariyā maggā vuṭṭhahitvā maggaṃ garuṃ katvā paccavekkhanti phalaṃ garuṃ katvā paccavekkhanti nibbānaṃ garuṃ katvā paccavekkhanti nibbānaṃ gotrabhussa vodānassa maggassa phalassa adhipatipaccayena paccayo . sahajātādhipati: nevadassanena- nabhāvanāyapahātabbādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo.

[685] Nevadassanenanabhāvanāyapahātabbo dhammo dassanena- pahātabbassa dhammassa adhipatipaccayena paccayo . ārammaṇādhipati: dānaṃ datvā sīlaṃ samādiyitvā uposathakammaṃ katvā taṃ garuṃ katvā Assādeti abhinandati taṃ garuṃ katvā dassanenapahātabbo rāgo uppajjati diṭṭhi uppajjati pubbe suciṇṇāni garuṃ katvā ... Jhānā vuṭṭhahitvā jhānaṃ garuṃ katvā ... vatthuṃ nevadassanena- nabhāvanāyapahātabbe khandhe garuṃ katvā assādeti abhinandati taṃ garuṃ katvā dassanenapahātabbo rāgo uppajjati diṭṭhi uppajjati.

[686] Nevadassanenanabhāvanāyapahātabbo dhammo bhāvanāya- pahātabbassa dhammassa ... . ārammaṇādhipati: dānaṃ datvā sīlaṃ samādiyitvā uposathakammaṃ katvā taṃ assādeti abhinandati taṃ garuṃ katvā bhāvanāyapahātabbo rāgo uppajjati pubbe .pe. Nevadassanenanabhāvanāyapahātabbe khandhe garuṃ katvā assādeti abhinandati taṃ garuṃ katvā bhāvanāyapahātabbo rāgo uppajjati.

[687] Dassanenapahātabbo dhammo dassanenapahātabbassa dhammassa anantarapaccayena paccayo purimā purimā dassanenapahātabbā khandhā pacchimānaṃ pacchimānaṃ dassanenapahātabbānaṃ khandhānaṃ anantarapacyena paccayo.