[696] Bhāvanāyapahātabbo dhammo bhāvanāyapahātabbassa dhammassa ... Tīṇi.

[697] Nevadassanenanabhāvanāyapahātabbo dhammo nevadassanenanabhāvanāyapahātabbassa dhammassa sahajātapaccayena paccayo nevadassanenanabhāvanāyapahātabbo eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo dve khandhā ... Paṭisandhikkhaṇe khandhā vatthussa sahajātapaccayena paccayo vatthu khandhānaṃ ekaṃ mahābhūtaṃ tiṇṇannaṃ mahābhūtānaṃ mahābhūtā cittasamuṭṭhānānaṃ rūpānaṃ bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ ....

[698] Dassanenapahātabbo ca nevadassanenanabhāvanāyapahātabbo ca dhammā nevadassanenanabhāvanāyapahātabbassa dhammassa ... Dassanenapahātabbā khandhā ca mahābhūtā ca cittasamuṭṭhānānaṃ rūpānaṃ.

[699] Bhāvanāyapahātabbo ca nevadassanenanabhāvanāyapahātabbo ca dhammā nevadassanenanabhāvanāyapahātabbassa dhammassa sahajātapaccayena paccayo bhāvanāyapahātabbā khandhā ca mahābhūtā ca cittasamuṭṭhānānaṃ rūpānaṃ.