[71] Savitakkasavicārañca avitakkavicāramattañca dhammaṃ paṭicca avitakkaavicāro dhammo uppajjati naārammaṇapaccayā savitakkasavicāre khandhe ca vitakkañca paṭicca cittasamuṭṭhānaṃ rūpaṃ paṭisandhikkhaṇe ....

[72] Savitakkasavicārañca avitakkavicāramattañca avitakkaavicārañca dhammaṃ paṭicca avitakkaavicāro dhammo uppajjati naārammaṇapaccayā Savitakkasavicāre khandhe ca vitakkañca mahābhūte ca paṭicca cittasamuṭṭhānaṃ rūpaṃ paṭisandhikkhaṇe kaṭattārūpaṃ.

[73] Savitakkasavicāraṃ dhammaṃ paṭicca savitakkasavicāro dhammo uppajjati naadhipatipaccayā .pe. Satta.

[74] Avitakkavicāramattaṃ dhammaṃ paṭicca avitakkavicāramatto dhammo uppajjati naadhipatipaccayā avitakkavicāramatte khandhe paṭicca avitakka- vicāramattādhipati vipākaṃ avitakkavicāramattaṃ ekaṃ khandhaṃ paṭicca tayo khandhā paṭisandhikkhaṇe ... . avitakkavicāramattaṃ dhammaṃ paṭicca savitakka- savicāro dhammo uppajjati naadhipatipaccayā vitakkaṃ paṭicca savitakka- savicārā khandhā paṭisandhikkhaṇe ... . avitakkavicāramattaṃ dhammaṃ paṭicca avitakkaavicāro dhammo uppajjati naadhipatipaccayā vipāke avitakka- vicāramatte khandhe paṭicca vicāro ca cittasamuṭṭhānañca rūpaṃ. {74.1} Avitakkavicāramattaṃ dhammaṃ paṭicca savitakkasavicāro ca avitakka- avicāro ca dhammā uppajjanti naadhipatipaccayā vitakkaṃ paṭicca savitakka- savicārā khandhā ca cittasamuṭṭhānañca rūpaṃ . avitakkavicāramattaṃ dhammaṃ paṭicca avitakkavicāramatto ca avitakkaavicāro ca dhammā uppajjanti naadhipatipaccayā vipākaṃ avitakkavicāramattaṃ ekaṃ khandhaṃ paṭicca tayo khandhā vicāro ca cittasamuṭṭhānañca rūpaṃ.