[825] Dassanenapahātabbahetukañca nevadassanenanabhāvanāya- pahātabbahetukañca dhammaṃ paccayā dassanenapahātabbahetuko dhammo uppajjati adhipatipaccayā dassanenapahātabbahetukaṃ ekaṃ khandhañca vatthuñca paccayā tayo khandhā dve khandhe ca ... . dassanena- pahātabbahetukañca nevadassanenanabhāvanāyapahātabbahetukañca dhammaṃ paccayā nevadassanenanabhāvanāyapahātabbahetuko dhammo uppajjati adhipatipaccayā dassanenapahātabbahetuke khandhe ca mahābhūte ca paccayā cittasamuṭṭhānaṃ rūpaṃ . dassanenapahātabbahetukañca nevadassanenanabhāvanāyapahātabbahetukañca dhammaṃ paccayā dassanenapahātabbahetuko ca nevadassanenanabhāvanāyapahātabbahetuko ca dhammā uppajjanti adhipatipaccayā dassanenapahātabbahetukaṃ ekaṃ khandhañca vatthuñca paccayā tayo khandhā dve khandhe ca ... Dassanena- pahātabbahetuke khandhe ca mahābhūte ca paccayā cittasamuṭṭhānaṃ rūpaṃ.

[826] Bhāvanāyapahātabbahetukañca nevadassanenanabhāvanāya- pahātabbahetukañca dhammaṃ paccayā bhāvanāyapahātabbahetuko dhammo uppajjati adhipatipaccayā bhāvanāyapahātabbahetukaṃ ekaṃ khandhañca vatthuñca paccayā tayo khandhā tīṇi . dassanena sadisā . Anantarapaccayā samanantarapaccayā.

[827] Dassanenapahātabbahetukaṃ dhammaṃ paccayā dassanena- pahātabbahetuko dhammo uppajjati sahajātapaccayā dassanena- pahātabbahetukaṃ ekaṃ khandhaṃ paccayā tayo khandhā . dassanena- pahātabbahetukaṃ dhammaṃ paccayā nevadassanenanabhāvanāya- pahātabbahetuko dhammo uppajjati sahajātapaccayā dassanena- pahātabbahetuke khandhe paccayā cittasamuṭṭhānaṃ rūpaṃ vicikicchāsahagate khandhe paccayā vicikicchāsahagato moho cittasamuṭṭhānañca rūpaṃ . Dassanenapahātabbahetukaṃ dhammaṃ paccayā dassanenapahātabbahetuko ca nevadassanenanabhāvanāyapahātabbahetuko ca dhammā ... Dassanenapahātabbahetukaṃ ekaṃ khandhaṃ paccayā tayo khandhā cittasamuṭṭhānañca rūpaṃ vicikicchāsahagataṃ ekaṃ khandhaṃ paccayā tayo khandhā moho ca cittasamuṭṭhānañca rūpaṃ dve khandhe ... . Bhāvanāyapahātabbahetukaṃ dhammaṃ paccayā . saṅkhittaṃ . Tīṇi. Dassanena sadisā.