[79] Avitakkavicāramattaṃ dhammaṃ paṭicca avitakkavicāramatto dhammo Uppajjati napurejātapaccayā arūpe avitakkavicāramattaṃ ekaṃ khandhaṃ paṭicca . avitakkavicāramattaṃ dhammaṃ paṭicca savitakkasavicāro dhammo uppajjati napurejātapaccayā arūpe vitakkaṃ paṭicca savitakkasavicārā khandhā paṭisandhikkhaṇe ... . avitakkavicāramattaṃ dhammaṃ paṭicca avitakka- avicāro dhammo uppajjati napurejātapaccayā arūpe avitakkavicāra- matte khandhe paṭicca vicāro avitakkavicāramatte khandhe paṭicca cittasamuṭṭhānaṃ rūpaṃ vitakkaṃ paṭicca cittasamuṭṭhānaṃ rūpaṃ paṭisandhikkhaṇe .... {79.1} Avitakkavicāramattaṃ dhammaṃ paṭicca savitakkasavicāro ca avitakka- avicāro ca dhammā uppajjanti napurejātapaccayā paṭisandhikkhaṇe vitakkaṃ paṭicca savitakkasavicārā khandhā kaṭattā ca rūpaṃ. Avitakkavicāramattaṃ dhammaṃ paṭicca avitakkavicāramatto ca avitakkaavicāro ca dhammā uppajjanti napurejātapaccayā arūpe avitakkavicāramattaṃ ekaṃ khandhaṃ paṭicca tayo khandhā vicāro ca paṭisandhikkhaṇe ....

[80] Avitakkaavicāraṃ dhammaṃ paṭicca avitakkaavicāro dhammo uppajjati napurejātapaccayā arūpe avitakkaavicāraṃ ekaṃ khandhaṃ paṭicca tayo khandhā .pe. avitakkaavicāre khandhe paṭicca cittasamuṭṭhānaṃ rūpaṃ vicāraṃ paṭicca cittasamuṭṭhānaṃ rūpaṃ paṭisandhikkhaṇe ... . avitakkaavicāraṃ dhammaṃ paṭicca savitakkasavicāro dhammo uppajjati napurejātapaccayā paṭisandhikkhaṇe vatthuṃ paṭicca savitakkasavicārā khandhā. Avitakkaavicāraṃ dhammaṃ paṭicca avitakkavicāramatto dhammo uppajjati Napurejātapaccayā arūpe vicāraṃ paṭicca avitakkavicāramattā khandhā paṭisandhikkhaṇe .... Saṅkhittaṃ.

[81] Savitakkasavicārañca avitakkaavicārañca dhammaṃ paṭicca satta. Avitakkavicāramattañca avitakkaavicārañca dhammaṃ paṭicca avitakkavicāramatto dhammo uppajjati napurejātapaccayā arūpe avitakkavicāramattaṃ ekaṃ khandhañca vicārañca paṭicca tayo khandhā paṭisandhikkhaṇe .... Saṅkhittaṃ. Avitakkavicāramattañca avitakkaavicārañca dhammaṃ paṭicca avitakkavicāra- matto ca avitakkaavicāro ca dhammā uppajjanti . Saṅkhittaṃ . Paṭisandhikkhaṇe napurejātamūlake yathā suddhikaṃ arūpaṃ tathā arūpā kātabbā. Napacchājātapaccayā naāsevanapaccayā.