[920] Dassanenapahātabbahetuko dhammo dassanenapahātabba- hetukassa dhammassa samanantarapaccayena paccayo . anantarasadisaṃ . Sahajātapaccayena paccayo . saṅkhittaṃ . paṭiccavāre sahajātasadisaṃ . Aññamaññapaccayena paccayo . saṅkhittaṃ . paṭiccavāre aññamaññasadisaṃ. Nissayapaccayena paccayo . saṅkhittaṃ . paccayavāre nissayavārasadisaṃ . Visuṃ ghaṭanā natthi.

[921] Dassanenapahātabbahetuko dhammo dassanenapahātabba- hetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: dassanena- pahātabbahetukaṃ rāgaṃ upanissāya pāṇaṃ hanati ... saṅghaṃ bhindati dassanenapahātabbahetukaṃ dosaṃ ... Mohaṃ ... Diṭṭhiṃ ... Patthanaṃ upanissāya pāṇaṃ hanati ... saṅghaṃ bhindati dassanenapahātabbahetuko rāgo ... Doso Moho diṭṭhi ... patthanā dassanenapahātabbahetukassa rāgassa patthanāya upanissayapaccayena paccayo.

[922] Dassanenapahātabbahetuko dhammo nevadassanenanabhāvanāya- pahātabbahetukassa dhammassa upanissayapaccayena paccayo anantarūpanissayo pakatūpanissayo . pakatūpanissayo: dassanenapahātabbahetukaṃ rāgaṃ upanissāya dānaṃ deti ... samāpattiṃ uppādeti dassanenapahātabbahetukaṃ dosaṃ ... Mohaṃ ... Diṭṭhiṃ ... Patthanaṃ upanissāya dānaṃ deti ... Samāpattiṃ uppādeti dassanenapahātabbahetuko rāgo ... patthanā saddhāya paññāya kāyikassa sukhassa kāyikassa dukkhassa phalasamāpattiyā mohassa ca upanissayapaccayena paccayo.

[923] Dassanenapahātabbahetuko dhammo dassanenapahātabbahetukassa ca nevadassanenanabhāvanāyapahātabbahetukassa ca dhammassa upanissayapaccayena paccayo anantarūpanissayo pakatūpanissayo . pakatūpanissayo: dassanena- pahātabbahetuko rāgo ... Doso moho diṭṭhi ... Patthanā vicikicchā- sahagatānaṃ khandhānaṃ mohassa ca upanissayapaccayena paccayo.