[924] Bhāvanāyapahātabbahetuko dhammo bhāvanāyapahātabbahetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: bhāvanāyapahātabbahetuko rāgo ... doso moho māno ... Patthanā bhāvanāyapahātabbahetukassa Rāgassa dosassa mohassa mānassa patthanāya upanissayapaccayena paccayo.

[925] Bhāvanāyapahātabbahetuko dhammo dassanenapahātabbahetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: bhāvanāyapahātabbahetukaṃ rāgaṃ upanissāya pāṇaṃ hanati ... saṅghaṃ bhindati bhāvanāyapahātabbahetukaṃ dosaṃ ... mohaṃ ... Mānaṃ ... Patthanaṃ upanissāya pāṇaṃ hanati ... Saṅghaṃ bhindati bhāvanāyapahātabbahetuko rāgo ... patthanā dassanenapahātabbahetukassa rāgassa dosassa mohassa diṭṭhiyā patthanāya upanissayapaccayena paccayo sakabhaṇḍe chandarāgo parabhaṇḍe chandarāgassa upanissayapaccayena paccayo sakapariggahe chandarāgo parapariggahe chandarāgassa upanissayapaccayena paccayo.

[926] Bhāvanāyapahātabbahetuko dhammo nevadassanena- nabhāvanāyapahātabbahetukassa dhammassa upanissayapaccayena paccayo anantarūpanissayo pakatūpanissayo . pakatūpanissayo: bhāvanāyapahātabbahetukaṃ rāgaṃ upanissāya dānaṃ deti ... samāpattiṃ uppādeti bhāvanāyapahātabbahetukaṃ dosaṃ ... Mohaṃ ... Mānaṃ ... Patthanaṃ upanissāya dānaṃ deti ... Samāpattiṃ uppādeti bhāvanāyapahātabbahetuko rāgo ... Patthanā saddhāya paññāya kāyikassa sukhassa kāyikassa dukkhassa phalasamāpattiyā mohassa ca upanissayapaccayena paccayo.

[927] Bhāvanāyapahātabbahetuko dhammo dassanenapahātabbahetukassa ca nevadassanenanabhāvanāyapahātabbahetukassa ca dhammassa ... . Pakatūpanissayo: bhāvanāyapahātabbahetuko rāgo ... patthanā vicikicchāsahagatānaṃ khandhānaṃ mohassa ca upanissayapaccayena paccayo.