[928] Bhāvanāyapahātabbahetuko dhammo bhāvanāya- pahātabbahetukassa ca nevadassanenanabhāvanāyapahātabbahetukassa ca dhammassa upanissayapaccayena paccayo anantarūpanissayo pakatūpanissayo . pakatūpanissayo: bhāvanāyapahātabbahetuko rāgo ... patthanā uddhaccasahagatānaṃ khandhānaṃ mohassa ca upanissayapaccayena paccayo.

[929] Nevadassanenanabhāvanāyapahātabbahetuko dhammo nevadassanenanabhāvanāyapahātabbahetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: saddhaṃ upanissāya dānaṃ deti ... samāpattiṃ uppādeti sīlaṃ ... paññaṃ kāyikaṃ sukhaṃ kāyikaṃ dukkhaṃ utuṃ bhojanaṃ senāsanaṃ ... Mohaṃ upanissāya dānaṃ deti ... saddhā ... moho saddhāya phalasamāpattiyā mohassa ca upanissayapaccayena paccayo.

[930] Nevadassanenanabhāvanāyapahātabbahetuko dhammo dassanenapahātabbahetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: Saddhaṃ upanissāya ... diṭṭhiṃ gaṇhāti sīlaṃ ... Paññaṃ kāyikaṃ sukhaṃ kāyikaṃ dukkhaṃ senāsanaṃ ... mohaṃ upanissāya pāṇaṃ hanati ... saṅghaṃ bhindati saddhā ... senāsanaṃ ... moho ca dassanenapahātabbahetukassa rāgassa patthanāya upanissayapaccayena paccayo.

[931] Nevadassanenanabhāvanāyapahātabbahetuko dhammo bhāvanāyapahātabbahetukassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: saddhaṃ upanissāya ... mānaṃ jappeti mohaṃ upanissāya ... Mānaṃ jappeti saddhā ... senāsanaṃ ... moho ca bhāvanāyapahātabbahetukassa rāgassa patthanāya upanissayapaccayena paccayo.