[932] Nevadassanenanabhāvanāyapahātabbahetuko dhammo dassanena- pahātabbahetukassa ca nevadassanenanabhāvanāyapahātabbahetukassa ca dhammassa upanissayapaccayena paccayo anantarūpanissayo pakatūpanissayo . pakatūpanissayo: saddhā ... paññā kāyikaṃ sukhaṃ kāyikaṃ dukkhaṃ senāsanaṃ ... moho ca vicikicchāsahagatānaṃ khandhānaṃ mohassa ca upanissayapaccayena paccayo.

[933] Nevadassanenanabhāvanāyapahātabbahetuko dhammo bhāvanāyapahātabbahetukassa ca nevadassanenanabhāvanāyapahātabbahetukassa ca dhammassa upanissayapaccayena paccayo anantarūpanissayo pakatūpanissayo . pakatūpanissayo: saddhā ... senāsanaṃ ... Moho ca Uddhaccasahagatānaṃ khandhānaṃ mohassa ca upanissayapaccayena paccayo.

[934] Dassanenapahātabbahetuko ca nevadassanenanabhāvanāya- pahātabbahetuko ca dhammā dassanenapahātabbahetukassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: vicikicchāsahagatā khandhā ca moho ca dassanena- pahātabbahetukassa rāgassa patthanāya upanissayapaccayena paccayo.

[935] Dassanenapahātabbahetuko ca nevadassanenanabhāvanāya- pahātabbahetuko ca dhammā nevadassanenanabhāvanāyapahātabbahetukassa dhammassa upanissayapaccayena paccayo anantarūpanissayo pakatūpanissayo . pakatūpanissayo: vicikicchāsahagatā khandhā ca moho ca saddhāya paññāya kāyikassa sukhassa kāyikassa dukkhassa phalasamāpattiyā mohassa ca upanissayapaccayena paccayo.