[988] Dassanenapahātabbahetuko ca nevadassanenanabhāvanāya- pahātabbahetuko ca dhammā nevadassanenanabhāvanāyapahātabbahetukassa dhammassa ... sahajātaṃ purejātaṃ pacchājātaṃ āhāraṃ indriyaṃ . Sahajātā: dassanenapahātabbahetukā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo . sahajātā: vicikicchāsahagatā khandhā ca moho ca cittasamuṭṭhānānaṃ rūpānaṃ atthipaccayena paccayo . sahajātā: vicikicchāsahagatā khandhā ca vatthu ca mohassa atthipaccayena paccayo . pacchājātā: vicikicchāsahagatā khandhā ca moho ca purejātassa imassa kāyassa atthipaccayena paccayo . pacchājātā: dassanenapahātabbahetukā khandhā ca kabaḷiṃkāro āhāro ca imassa kāyassa atthipaccayena paccayo . Pacchājātā: dassanenapahātabbahetukā khandhā ca rūpajīvitindriyañca kaṭattārūpānaṃ atthipaccayena paccayo.

[989] Dassanenapahātabbahetuko ca nevadassanenanabhāvanāya- pahātabbahetuko ca dhammā dassanenapahātabbahetukassa ca nevadassanenanabhāvanāyapahātabbahetukassa ca dhammassa atthipaccayena paccayo sahajātaṃ purejātaṃ . sahajāto: vicikicchāsahagato eko khandho ca vatthu ca tiṇṇannaṃ khandhānaṃ mohassa ca atthipaccayena paccayo dve khandhā ... vicikicchāsahagato eko khandho ca moho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo dve khandhā ca moho ca ....

[990] Bhāvanāyapahātabbahetuko ca nevadassanenanabhāvanāya- pahātabbahetuko ca dhammā bhāvanāya . saṅkhittaṃ . tisso pañhā dassanena nayena vibhajitabbā. Uddhaccanti niyāmetabbaṃ. Natthi vigata avigatapaccayā.

[991] Hetuyā ekādasa ārammaṇe ekavīsa adhipatiyā dasa anantare sattarasa samanantare sattarasa sahajāte sattarasa aññamaññe ekādasa nissaye sattarasa upanissaye ekavīsa purejāte pañca pacchājāte pañca āsevane sattarasa kamme satta vipāke ekaṃ āhāre satta indriye satta jhāne satta magge satta sampayutte ekādasa vippayutte nava atthiyā sattarasa natthiyā sattarasa vigate sattarasa avigate sattarasa. Evaṃ gaṇetabbaṃ. Anulomaṃ.