[1012] Bhāvanāyapahātabbahetuko ca nevadassanenanabhāvanāya- pahātabbahetuko ca dhammā bhāvanāyapahātabbahetukassa ca nevadassanenanabhāvanāyapahātabbahetukassa ca dhammassa ārammaṇapaccayena paccayo sahajātapaccayena paccayo upanissayapaccayena paccayo . Idhāpi sahajātaṃ purejātaṃ atthi ye te pañhā na likhitā te pāliyaṃ gaṇentānaṃ byañjanena na samenti te pāliyaṃ na likhitā gaṇanā pākaṭā honti yadi saṃsayo uppajjati anulome atthipaccaye pekkhitabbaṃ.

[1013] Nahetuyā ekavīsa naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha ekavīsa. Evaṃ gaṇetabbaṃ. Paccanīyaṃ.

[1014] Hetupaccayā naārammaṇe ekādasa ... naadhipatiyā naanantare nasamanantare ekādasa naaññamaññe tīṇi naupanissaye napurejāte napacchājāte naāsevane nakamme navipāke naāhāre naindriye najhāne namagge ekādasa nasampayutte tīṇi navippayutte Pañca nonatthiyā ekādasa novigate ekādasa. Evaṃ gaṇetabbaṃ. Anulomapaccanīyaṃ.

[1015] Nahetupaccayā ārammaṇe ekavīsa ... adhipatiyā dasa anantare sattarasa samanantare sattarasa sahajāte sattarasa aññamaññe ekādasa nissaye sattarasa upanissaye ekavīsa purejāte pañca pacchājāte pañca āsevane sattarasa kamme satta vipāke ekaṃ āhāre satta indriye satta jhāne satta magge satta sampayutte ekādasa vippayutte nava atthiyā sattarasa natthiyā sattarasa vigate sattarasa avigate sattarasa. Evaṃ gaṇetabbaṃ. Paccanīyānulomaṃ. Dassanenapahātabbahetukattikaṃ navamaṃ niṭṭhitaṃ. --------