[1045] Ācayagāmiṃ dhammaṃ paccayā ācayagāmi dhammo uppajjati ārammaṇapaccayā ācayagāmiṃ ekaṃ khandhaṃ paccayā . apacayagāmiṃ dhammaṃ paccayā ... Ekaṃ.

[1046] Nevācayagāmināpacayagāmiṃ dhammaṃ paccayā nevācayagāmi- nāpacayagāmi dhammo ... nevācayagāmināpacayagāmiṃ ekaṃ khandhaṃ paccayā tayo khandhā dve khandhe ... paṭisandhikkhaṇe vatthuṃ paccayā khandhā cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā nevācayagāmināpacayagāmī khandhā . Nevācayagāmināpacayagāmiṃ dhammaṃ paccayā ācayagāmi dhammo ... vatthuṃ paccayā ācayagāmī khandhā . nevācayagāmināpacayagāmiṃ dhammaṃ paccayā apacayagāmi dhammo ... Vatthuṃ paccayā apacayagāmī khandhā.

[1047] Ācayagāmiñca nevācayagāmināpacayagāmiñca dhammaṃ paccayā ācayagāmi dhammo ... ācayagāmiṃ ekaṃ khandhañca vatthuñca paccayā tayo khandhā dve khandhe ....

[1048] Apacayagāmiñca nevācayagāmināpacayagāmiñca dhammaṃ paccayā apacayagāmi dhammo uppajjati ārammaṇapaccayā apacayagāmiṃ ekaṃ khandhañca vatthuñca paccayā tayo khandhā dve khandhe ....