[1173] Sekkhaṃ dhammaṃ paṭicca sekkho dhammo uppajjati hetupaccayā sekkhaṃ ekaṃ khandhaṃ paṭicca tayo khandhā dve khandhe .... Sekkhaṃ dhammaṃ paṭicca nevasekkhānāsekkho dhammo uppajjati hetupaccayā sekkhe khandhe paṭicca cittasamuṭṭhānaṃ rūpaṃ . sekkhaṃ dhammaṃ paṭicca sekkho ca nevasekkhānāsekkho ca dhammā uppajjanti hetupaccayā sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ....

[1174] Asekkhaṃ dhammaṃ paṭicca asekkho dhammo uppajjati hetupaccayā asekkhaṃ ekaṃ khandhaṃ paṭicca . Asekkhaṃ dhammaṃ paṭicca nevasekkhānāsekkho dhammo ... asekkhe khandhe paṭicca cittasamuṭṭhānaṃ rūpaṃ. Asekkhaṃ dhammaṃ paṭicca asekkho ca nevasekkhānāsekkho ca dhammā ... Asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ....

[1175] Nevasekkhānāsekkhaṃ dhammaṃ paṭicca nevasekkhānāsekkho dhammo ... nevasekkhānāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe nevasekkhā- nāsekkhe khandhe paṭicca vatthu vatthuṃ paṭicca khandhā ekaṃ mahābhūtaṃ Paṭicca tayo mahābhūtā dve mahābhūte paṭicca dve mahābhūtā mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ.

[1176] Sekkhañca nevasekkhānāsekkhañca dhammaṃ paṭicca nevasekkhānāsekkho dhammo uppajjati hetupaccayā sekkhe khandhe ca mahābhūte ca paṭicca cittasamuṭṭhānaṃ rūpaṃ.