[1181] Nevasekkhānāsekkhaṃ dhammaṃ paṭicca nevasekkhānāsekkho dhammo ... vipākapaccayā vipākaṃ nevasekkhānāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ ....

[1182] Sekkhañca nevasekkhānāsekkhañca dhammaṃ paṭicca neva sekkhānāsekkho dhammo ... vipākapaccayā vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ.

[1183] Asekkhañca nevasekkhānāsekkhañca dhammaṃ paṭicca nevasekkhānāsekkho dhammo ... vipākapaccayā asekkhe khandhe ca mahābhūte ca paṭicca cittasamuṭṭhānaṃ rūpaṃ.

[1184] Sekkhaṃ dhammaṃ paṭicca sekkho dhammo ... Āhārapaccayā indriyapaccayā jhānapaccayā maggapaccayā sampayuttapaccayā vippayuttapaccayā atthipaccayā natthipaccayā vigatapaccayā avigatapaccayā.