[1185] Hetuyā nava ārammaṇe tīṇi adhipatiyā nava anantare tīṇi samanantare tīṇi sahajāte nava aññamaññe tīṇi nissaye nava upanissaye tīṇi purejāte tīṇi āsevane dve kamme nava vipāke āhāre indriye jhāne magge nava sampayutte tīṇi vippayutte nava atthiyā nava Natthiyā tīṇi vigate tīṇi avigate nava. Evaṃ gaṇetabbaṃ. Anulomaṃ.

[1186] Nevasekkhānāsekkhaṃ dhammaṃ paṭicca nevasekkhānāsekkho dhammo uppajjati nahetupaccayā ahetukaṃ nevasekkhānāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Ahetukapaṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ ekaṃ mahābhūtaṃ ... vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

[1187] Sekkhaṃ dhammaṃ paṭicca nevasekkhānāsekkho dhammo ... Naārammaṇapaccayā sekkhe khandhe paṭicca cittasamuṭṭhānaṃ rūpaṃ.

[1188] Asekkhaṃ dhammaṃ paṭicca nevasekkhānāsekkho dhammo ... naārammaṇapaccayā asekkhe khandhe paṭicca cittasamuṭṭhānaṃ rūpaṃ.