[1189] Nevasekkhānāsekkhaṃ dhammaṃ paṭicca nevasekkhānāsekkho dhammo ... naārammaṇapaccayā nevasekkhānāsekkhe khandhe paṭicca cittasamuṭṭhānaṃ rūpaṃ paṭisandhikkhaṇe khandhe paṭicca vatthu ekaṃ mahābhūtaṃ ... Asaññasattānaṃ ....

[1190] Sekkhañca nevasekkhānāsekkhañca dhammaṃ paṭicca nevasekkhānāsekkho dhammo ... naārammaṇapaccayā sekkhe khandhe ca Mahābhūte ca paṭicca cittasamuṭṭhānaṃ rūpaṃ.

[1191] Asekkhañca nevasekkhānāsekkhañca dhammaṃ paṭicca nevasekkhānāsekkho dhammo ... naārammaṇapaccayā asekkhe khandhe ca mahābhūte ca paṭicca cittasamuṭṭhānaṃ rūpaṃ.

[1192] Sekkhaṃ dhammaṃ paṭicca sekkho dhammo ... Naadhipatipaccayā sekkhe khandhe paṭicca sekkho adhipati . Asekkhaṃ dhammaṃ paṭicca asekkho dhammo ... naadhipatipaccayā asekkhe khandhe paṭicca asekkho adhipati. Nevasekkhānāsekkhaṃ dhammaṃ paṭicca nevasekkhānāsekkho dhammo ... Naadhipatipaccayā paripuṇṇaṃ paṭisandhipi mahābhūtāpi sabbe . Naanantarapaccayā nasamanantarapaccayā naaññamaññapaccayā naupanissayapaccayā napurejātapaccayā satta kusalattikasadisā . Napacchājātapaccayā ....