[1281] Asekkho dhammo asekkhassa dhammassa kammapaccayena paccayo asekkhā cetanā sampayuttakānaṃ khandhānaṃ kammapaccayena paccayo.

[1282] Asekkho dhammo nevasekkhānāsekkhassa dhammassa kammapaccayena paccayo asekkhā cetanā cittasamuṭṭhānānaṃ rūpānaṃ kammapaccayena paccayo.

[1283] Asekkho dhammo asekkhassa ca nevasekkhānāsekkhassa ca dhammassa kammapaccayena paccayo asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo.

[1284] Nevasekkhānāsekkho dhammo nevasekkhānāsekkhassa dhammassa kammapaccayena paccayo sahajātā nānākhaṇikā . sahajātā: nevasekkhānāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo paṭisandhikkhaṇe ... . nānākhaṇikā: nevasekkhānāsekkhā cetanā vipākānaṃ nevasekkhānāsekkhānaṃ khandhānaṃ kaṭattā ca rūpānaṃ kammapaccayena paccayo.