[1341] Parittañca appamāṇañca dhammaṃ paṭicca paritto dhammo uppajjati naārammaṇapaccayā appamāṇe khandhe ca mahābhūte ca paṭicca cittasamuṭṭhānaṃ rūpaṃ.

[1342] Parittañca mahaggatañca dhammaṃ paṭicca paritto dhammo uppajjati naārammaṇapaccayā mahaggate khandhe ca Mahābhūte ca paṭicca cittasamuṭṭhānaṃ rūpaṃ paṭisandhikkhaṇe mahaggate khandhe ca mahābhūte ca paṭicca kaṭattārūpaṃ.

[1343] Parittaṃ dhammaṃ paṭicca paritto dhammo uppajjati naadhipatipaccayā parittaṃ ekaṃ khandhaṃ paṭicca tayo khandhā paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ .... Saṅkhittaṃ. Asaññasattānaṃ .pe. parittaṃ dhammaṃ paṭicca mahaggato dhammo uppajjati naadhipatipaccayā paṭisandhikkhaṇe vatthuṃ paṭicca mahaggatā khandhā . Parittaṃ dhammaṃ paṭicca paritto ca mahaggato ca dhammā uppajjanti naadhipatipaccayā paṭisandhikkhaṇe vatthuṃ paṭicca mahaggatā khandhā mahābhūte paṭicca kaṭattārūpaṃ.

[1344] Mahaggataṃ dhammaṃ paṭicca mahaggato dhammo uppajjati naadhipatipaccayā mahaggate khandhe paṭicca mahaggatādhipati vipākaṃ mahaggataṃ ekaṃ khandhaṃ paṭicca paṭisandhikkhaṇe ... . mahaggataṃ dhammaṃ paṭicca paritto dhammo uppajjati naadhipatipaccayā vipāke mahaggate khandhe paṭicca cittasamuṭṭhānaṃ rūpaṃ paṭisandhikkhaṇe mahaggate khandhe paṭicca kaṭattārūpaṃ . mahaggataṃ dhammaṃ paṭicca paritto ca mahaggato ca dhammā uppajjanti naadhipatipaccayā vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Paṭisandhikkhaṇe ....