[1349] Mahaggataṃ dhammaṃ paṭicca mahaggato dhammo uppajjati napurejātapaccayā arūpe mahaggataṃ ekaṃ khandhaṃ ... Paṭisandhikkhaṇe .... Mahaggataṃ dhammaṃ paṭicca paritto dhammo .pe. napurejātapaccayā mahaggate khandhe paṭicca cittasamuṭṭhānaṃ rūpaṃ paṭisandhikkhaṇe mahaggate khandhe paṭicca kaṭattārūpaṃ . mahaggataṃ dhammaṃ paṭicca paritto ca mahaggato ca dhammā ... napurejātapaccayā paṭisandhikkhaṇe mahaggataṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ....

[1350] Appamāṇaṃ dhammaṃ paṭicca appamāṇo dhammo ... Napurejātapaccayā arūpe appamāṇaṃ ekaṃ khandhaṃ ... . appamāṇaṃ dhammaṃ paṭicca paritto dhammo ... napurejātapaccayā appamāṇe khandhe paṭicca cittasamuṭṭhānaṃ rūpaṃ.

[1351] Parittañca appamāṇañca dhammaṃ paṭicca paritto dhammo ... napurejātapaccayā appamāṇe khandhe ca mahābhūte ca paṭicca cittasamuṭṭhānaṃ rūpaṃ.

[1352] Parittañca mahaggatañca dhammaṃ paṭicca paritto dhammo ... Napurejātapaccayā mahaggate khandhe ca mahābhūte ca paṭicca cittasamuṭṭhānaṃ rūpaṃ paṭisandhikkhaṇe ... . parittañca mahaggatañca dhammaṃ paṭicca mahaggato dhammo ... napurejātapaccayā paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā . parittañca mahaggatañca dhammaṃ paṭicca paritto ca mahaggato ca dhammā uppajjanti napurejātapaccayā Paṭisandhikkhaṇe mahaggataṃ ekaṃ khandhañca vatthuñca paṭicca tayo khandhā dve khandhe ... mahaggate khandhe ca mahābhūte ca paṭicca kaṭattārūpaṃ.