[1353] Parittaṃ dhammaṃ paṭicca paritto dhammo uppajjati napacchājātapaccayā naāsevanapaccayā parittaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ . Saṅkhittaṃ. Asaññasattānaṃ ekaṃ mahābhūtaṃ ....

[1354] Parittaṃ dhammaṃ paṭicca mahaggato dhammo uppajjati naāsevanapaccayā paṭisandhikkhaṇe vatthuṃ paṭicca mahaggatā khandhā . Parittaṃ dhammaṃ paṭicca paritto ca mahaggato dhammā ... Naāsevanapaccayā paṭisandhikkhaṇe vatthuṃ paṭicca mahaggatā khandhā mahābhūte paṭicca kaṭattārūpaṃ.

[1355] Mahaggataṃ dhammaṃ paṭicca mahaggato dhammo uppajjati naāsevanapaccayā vipākaṃ mahaggataṃ ekaṃ khandhaṃ paṭicca tayo khandhā dve khandhe ... paṭisandhikkhaṇe mahaggataṃ ekaṃ khandhaṃ paṭicca tayo khandhā . mahaggataṃ dhammaṃ paṭicca paritto dhammo ... Naāsevanapaccayā mahaggate khandhe paṭicca cittasamuṭṭhānaṃ rūpaṃ paṭisandhikkhaṇe ... . Mahaggataṃ dhammaṃ paṭicca paritto ca mahaggato ca dhammā ... Naāsevanapaccayā vipākaṃ mahaggataṃ ekaṃ khandhaṃ paṭicca tayo khandhā cittasamuṭṭhānañca Rūpaṃ dve khandhe ... paṭisandhikkhaṇe mahaggataṃ ekaṃ khandhaṃ ....

[1356] Appamāṇaṃ dhammaṃ paṭicca appamāṇo dhammo ... Naāsevanapaccayā vipākaṃ appamāṇaṃ ekaṃ khandhaṃ paṭicca tayo khandhā dve khandhe paṭicca dve khandhā . appamāṇaṃ dhammaṃ paṭicca paritto dhammo ... naāsevanapaccayā appamāṇe khandhe paṭicca cittasamuṭṭhānaṃ rūpaṃ . appamāṇaṃ dhammaṃ paṭicca paritto ca appamāṇo ca dhammā ... naāsevanapaccayā vipākaṃ appamāṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ.