[1571] Parittārammaṇo dhammo mahaggatārammaṇassa dhammassa ārammaṇapaccayena paccayo dibbaṃ cakkhuṃ paccavekkhati dibbaṃ sotadhātuṃ paccavekkhati parittārammaṇaṃ iddhividhañāṇaṃ paccavekkhati cetopariyañāṇaṃ ... pubbenivāsānussatiñāṇaṃ ... yathākammūpagañāṇaṃ ... Anāgataṃsañāṇaṃ paccavekkhati parittārammaṇe mahaggate khandhe aniccato ... vipassati assādeti abhinandati taṃ ārabbha mahaggatārammaṇo rāgo ... domanassaṃ uppajjati cetopariyañāṇena parittārammaṇamahaggatacittasamaṅgissa cittaṃ jānāti parittārammaṇā mahaggatā khandhā cetopariyañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo.
[1572] Mahaggatārammaṇo dhammo mahaggatārammaṇassa dhammassa ārammaṇapaccayena paccayo .pe. viññāṇañcāyatanaṃ paccavekkhati nevasaññānāsaññāyatanaṃ paccavekkhati mahaggatārammaṇaṃ paccavekkhati cetopariyañāṇaṃ ... pubbenivāsānussatiñāṇaṃ ... yathākammūpagañāṇaṃ ... Anāgataṃsañāṇaṃ paccavekkhati mahaggatārammaṇe mahaggage khandhe aniccato ... vipassati assādeti taṃ ārabbha mahaggatārammaṇo rāgo ... domanassaṃ uppajjati cetopariyañāṇena mahaggatārammaṇa- mahaggatacittasamaṅgissa cittaṃ jānāti mahaggatārammaṇā mahaggatā Khandhā cetopariyañāṇassa pubbenivāsānussatiñāṇassa yathākammūpaga- ñāṇassa anāgataṃsañāṇassa āvajjanāya ārammaṇapaccayena paccayo.
[1573] Mahaggatārammaṇo dhammo parittārammaṇassa dhammassa ārammaṇapaccayena paccayo paṭhamajjhānapaccavekkhaṇaṃ paccavekkhati nevasaññānāsaññāyatanapaccavekkhaṇaṃ paccavekkhati dibbacakkhupaccavekkhaṇaṃ paccavekkhati dibbasotadhātupaccavekkhaṇaṃ paccavekkhati iddhividhañāṇa ... Cetopariyañāṇa ... pubbenivāsānussatiñāṇa ... yathākammūpagañāṇa ... Anāgataṃsañāṇapaccavekkhaṇaṃ paccavekkhati ariyā mahaggatārammaṇe pahīne kilese paccavekkhanti vikkhambhite kilese paccavekkhanti pubbe samudāciṇṇe mahaggatārammaṇe paritte khandhe aniccato ... vipassati assādeti abhinandati taṃ ārabbha parittārammaṇo rāgo ... Domanassaṃ uppajjati cetopariyañāṇena mahaggatārammaṇaparittacittasamaṅgissa cittaṃ jānāti mahaggatārammaṇā parittā khandhā cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo.