[1578] Parittārammaṇo dhammo mahaggatārammaṇassa dhammassa adhipatipaccayena paccayo . ārammaṇādhipati: dibbaṃ cakkhuṃ garuṃ katvā paccavekkhati dibbaṃ sotadhātuṃ ... Parittārammaṇaṃ iddhividhañāṇaṃ cetopariyañāṇaṃ pubbenivāsānussatiñāṇaṃ yathākammūpagañāṇaṃ ... anāgataṃsañāṇaṃ paccavekkhati parittārammaṇe mahaggate khandhe garuṃ katvā assādeti taṃ garuṃ katvā mahaggatārammaṇo rāgo ... Diṭṭhi uppajjati.

[1579] Mahaggatārammaṇo dhammo mahaggatārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: viññāṇañcāyatanaṃ garuṃ katvā ... nevasaññā- nāsaññāyatanaṃ ... mahaggatārammaṇaṃ iddhividhañāṇaṃ ... cetopariyañāṇaṃ pubbenivāsānussatiñāṇaṃ yathākammūpagañāṇaṃ ... anāgataṃsañāṇaṃ garuṃ katvā ... mahaggatārammaṇe mahaggate khandhe garuṃ katvā assādeti taṃ garuṃ katvā mahaggatārammaṇo rāgo ... Diṭṭhi .... Sahajātādhipati: mahaggatārammaṇā adhipati sampayuttakānaṃ khandhānaṃ adhipatipaccayena paccayo.

[1580] Mahaggatārammaṇo dhammo parittārammaṇassa dhammassa adhipatipaccayena paccayo . ārammaṇādhipati: paṭhamajjhānapaccavekkhaṇaṃ garuṃ katvā paccavekkhati anāgataṃsañāṇapaccavekkhaṇaṃ garuṃ katvā ... Mahaggatārammaṇe paritte khandhe garuṃ katvā assādeti taṃ garuṃ katvā parittārammaṇo rāgo ... Diṭṭhi uppajjati.

[1581] Appamāṇārammaṇo dhammo appamāṇārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: ariyā maggā vuṭṭhahitvā maggaṃ garuṃ katvā paccavekkhanti phalaṃ garuṃ katvā .... Sahājātādhipati: appamāṇārammaṇā adhipati sampayuttakānaṃ khandhānaṃ.