[138] Avitakkaavicāro dhammo savitakkasavicārassa dhammassa ārammaṇapaccayena paccayo ariyā avitakkaavicārā jhānā vuṭṭhahitvā ... Maggā ... phalā vuṭṭhahitvā phalaṃ paccavekkhanti taṃ ārabbha savitakkasavicārā khandhā uppajjanti ariyā nibbānaṃ paccavekkhanti Nibbānaṃ gotrabhussa vodānassa savitakkasavicārassa maggassa phalassa āvajjanāya ārammaṇapaccayena paccayo cakkhuṃ aniccato dukkhato anattato vipassati assādeti abhinandati taṃ ārabbha rāgo uppajjati domanassaṃ uppajjati sotaṃ ... ghānaṃ jivhaṃ kāyaṃ rūpe sadde gandhe rase phoṭṭhabbe vatthuṃ ... avitakkaavicāre khandhe ca vicārañca aniccato dukkhato anattato vipassati assādeti abhinandati taṃ ārabbha rāgo uppajjati domanassaṃ uppajjati avitakkaavicāre khandhe ca vicārañca ārabbha savitakkasavicārā khandhā uppajjanti .pe.

[139] Avitakkaavicāro dhammo avitakkavicāramattassa dhammassa ārammaṇapaccayena paccayo ariyā avitakkaavicārā jhānā vuṭṭhahitvā ... Maggā ... Phalā ... Phalaṃ paccavekkhanti taṃ ārabbha vitakko uppajjati ariyā nibbānaṃ paccavekkhanti nibbānaṃ avitakkavicāramattassa maggassa phalassa vitakkassa ca ārammaṇapaccayena paccayo cakkhuṃ aniccato dukkhato anattato ... Vatthuṃ ... Avitakkaavicāre khandhe ca vicārañca aniccato dukkhato anattato vipassati assādeti abhinandati taṃ ārabbha vitakko uppajjati avitakka- avicāre khandhe ca vicārañca ārabbha vitakko uppajjati.

[140] Avitakkaavicāro dhammo avitakkavicāramattassa ca avitakkaavicārassa ca dhammassa ārammaṇapaccayena paccayo nibbānaṃ avitakkavicāramattassa maggassa phalassa vicārassa ca Ārammaṇapaccayena paccayo.

[141] Avitakkaavicāro dhammo savitakkasavicārassa ca avitakkavicāra- mattassa ca dhammassa ārammaṇapaccayena paccayo ariyā avitakkaavicārā jhānā ... maggā ... phalā vuṭṭhahitvā phalaṃ paccavekkhanti taṃ ārabbha savitakkasavicārā khandhā ca vitakko ca uppajjanti ariyā nibbānaṃ paccavekkhanti nibbānaṃ gotrabhussa vodānassa vitakkassa ca savitakka- savicārassa maggassa vitakkassa ca savitakkasavicārassa phalassa vitakkassa ca āvajjanāya vitakkassa ca ārammaṇapaccayena paccayo cakkhuṃ aniccato dukkhato anattato vipassati taṃ ārabbha savitakkasavicārā khandhā ca vitakko ca uppajjanti sotaṃ ... .pe. Phoṭṭhabbaṃ vatthuṃ ... Avitakkaavicāre khandhe ca vicārañca aniccato dukkhato anattato vipassati taṃ ārabbha savitakkasavicārā khandhā ca vitakko ca uppajjanti.

เล่มที่ ๔๑ ปัฏฐาน ภาค ๒๔๑

ที่มาและฉบับอื่นของ “ปัญหาวาร”