[1601] Appamāṇārammaṇo dhammo parittārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: appamāṇārammaṇaṃ saddhaṃ upanissāya dānaṃ deti sīlaṃ samādiyati uposathakammaṃ karoti parittārammaṇaṃ jhānaṃ uppādeti vipassanaṃ ... Abhiññaṃ ... Samāpattiṃ uppādeti appamāṇārammaṇaṃ sīlaṃ ... paññaṃ upanissāya dānaṃ deti ... samāpattiṃ uppādeti appamāṇārammaṇā saddhā ... paññā parittārammaṇāya saddhāya paññāya kāyikassa sukhassa kāyikassa dukkhassa upanissayapaccayena paccayo.

[1602] Appamāṇārammaṇo dhammo mahaggatārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: appamāṇārammaṇaṃ saddhaṃ upanissāya mahaggatārammaṇaṃ jhānaṃ ... vipassanaṃ ... abhiññaṃ ... Samāpattiṃ uppādeti appamāṇārammaṇaṃ sīlaṃ ... paññaṃ upanissāya Mahaggatārammaṇaṃ jhānaṃ ... vipassanaṃ ... abhiññaṃ ... samāpattiṃ uppādeti appamāṇārammaṇā saddhā ... paññā mahaggatārammaṇāya saddhāya paññāya upanissayapaccayena paccayo.

[1603] Parittārammaṇo dhammo parittārammaṇassa dhammassa āsevanapaccayena paccayo purimā purimā parittārammaṇā khandhā pacchimānaṃ pacchimānaṃ parittārammaṇānaṃ khandhānaṃ āsevanapaccayena paccayo.

[1604] Parittārammaṇo dhammo appamāṇārammaṇassa dhammassa āsevanapaccayena paccayo parittārammaṇaṃ anulomaṃ gotrabhussa anulomaṃ vodānassa āsevanapaccayena paccayo.