[1636] Sammattaniyatañca aniyatañca dhammaṃ paṭicca aniyato dhammo ... hetupaccayā sammattaniyate khandhe ca mahābhūte ca paṭicca cittasamuṭṭhānaṃ rūpaṃ.

[1637] Micchattaniyataṃ dhammaṃ paṭicca micchattaniyato dhammo ... Ārammaṇapaccayā micchattaniyataṃ ekaṃ khandhaṃ paṭicca tayo khandhā dve khandhe ....

[1638] Sammattaniyataṃ dhammaṃ paṭicca sammattaniyato dhammo ... Ārammaṇapaccayā sammattaniyataṃ ekaṃ khandhaṃ paṭicca tayo khandhā dve khandhe ....

[1639] Aniyataṃ dhammaṃ paṭicca aniyato dhammo uppajjati ārammaṇapaccayā aniyataṃ ekaṃ khandhaṃ paṭicca tayo khandhā dve khandhe ... paṭisandhikkhaṇe aniyataṃ ekaṃ khandhaṃ paṭicca tayo khandhā dve khandhe ... vatthuṃ paṭicca khandhā . sabbe paccayā iminā kāraṇena vitthāretabbā. Saṅkhittaṃ.