[1658] Micchattaniyataṃ dhammaṃ paccayā micchattaniyato dhammo ... Naadhipatipaccayā micchattaniyate khandhe paccayā micchattaniyatā adhipati.

[1659] Sammattaniyataṃ dhammaṃ paccayā sammattaniyato dhammo ... Naadhipatipaccayā sammattaniyate khandhe paccayā sammattaniyatā adhipati.

[1660] Aniyataṃ dhammaṃ paccayā aniyato dhammo ... Naadhipatipaccayā aniyataṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... paṭisandhikkhaṇe ... . saṅkhittaṃ . asaññasattānaṃ ... Cakkhāyatanaṃ paccayā ... kāyāyatanaṃ paccayā ... Vatthuṃ paccayā aniyatā khandhā . aniyataṃ dhammaṃ paccayā micchattaniyato dhammo ... Naadhipatipaccayā vatthuṃ paccayā micchattaniyatā adhipati . aniyataṃ dhammaṃ paccayā sammattaniyato dhammo ... naadhipatipaccayā vatthuṃ paccayā sammattaniyatā adhipati.

[1661] Micchattaniyatañca aniyatañca dhammaṃ paccayā micchattaniyato dhammo ... naadhipatipaccayā micchattaniyate khandhe ca vatthuñca paccayā micchattaniyatā adhipati.