[1828] Maggahetuko ca maggādhipati ca dhammā maggahetukassa ca maggādhipatissa ca dhammassa adhipatipaccayena paccayo . sahajātādhipati: maggahetukā ca maggādhipati ca adhipati sampayuttakānaṃ maggahetukānañca maggādhipatīnañca khandhānaṃ adhipatipaccayena paccayo.

[1829] Maggārammaṇo dhammo maggārammaṇassa dhammassa anantarapaccayena paccayo purimā purimā maggārammaṇā khandhā pacchimānaṃ pacchimānaṃ maggārammaṇānaṃ khandhānaṃ anantarapaccayena paccayo āvajjanā maggārammaṇānaṃ khandhānaṃ anantarapaccayena paccayo.

[1830] Maggārammaṇo dhammo maggādhipatissa dhammassa anantarapaccayena paccayo purimā purimā maggārammaṇā khandhā pacchimānaṃ pacchimānaṃ maggādhipatīnaṃ khandhānaṃ anantarapaccayena paccayo āvajjanā maggādhipatīnaṃ khandhānaṃ anantarapaccayena paccayo.

[1831] Maggārammaṇo dhammo maggārammaṇassa ca maggādhipatissa ca dhammassa anantarapaccayena paccayo purimā purimā maggārammaṇā khandhā pacchimānaṃ pacchimānaṃ maggārammaṇānañca maggādhipatīnañca khandhānaṃ anantarapaccayena paccayo āvajjanā Maggārammaṇānañca maggādhipatīnañca khandhānaṃ anantarapaccayena paccayo.