[1872] Maggādhipati dhammo maggādhipatissa dhammassa sahajātapaccayena paccayo upanissayapaccayena paccayo.

[1873] Maggādhipati dhammo maggārammaṇassa dhammassa ārammaṇapaccayena paccayo sahajātapaccayena paccayo upanissayapaccayena paccayo.

[1874] Maggādhipati dhammo maggahetukassa dhammassa sahajātapaccayena paccayo upanissayapaccayena paccayo.

[1875] Maggādhipati dhammo maggārammaṇassa ca maggādhipatissa ca dhammassa sahajātapaccayena paccayo upanissayapaccayena paccayo.