[208] Avitakkavicāramatto dhammo avitakkaavicārassa dhammassa sahajātapaccayena paccayo avitakkavicāramattā khandhā vicārassa cittasamuṭṭhānānañca rūpānaṃ sahajātapaccayena paccayo vitakko cittasamuṭṭhānānaṃ rūpānaṃ sahajātapaccayena paccayo paṭisandhikkhaṇe ....

[209] Avitakkavicāramatto dhammo savitakkasavicārassa ca avitakkaavicārassa ca dhammassa sahajātapaccayena paccayo vitakko savitakkasavicārānaṃ khandhānaṃ cittasamuṭṭhānānañca rūpānaṃ sahajātapaccayena paccayo paṭisandhikkhaṇe vitakko.

[210] Avitakkavicāramatto dhammo avitakkavicāramattassa ca avitakkaavicārassa ca dhammassa sahajātapaccayena paccayo avitakkavicāramatto eko khandho tiṇṇannaṃ khandhānaṃ vicārassa ca cittasamuṭṭhānānañca rūpānaṃ sahajātapaccayena paccayo dve khandhā dvinnaṃ khandhānaṃ vicārassa ca cittasamuṭṭhānānañca rūpānaṃ paṭisandhikkhaṇe ....

[211] Avitakkaavicāro dhammo avitakkaavicārassa dhammassa sahajātapaccayena paccayo avitakkaavicāro eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo vicāro cittasamuṭṭhānānaṃ rūpānaṃ paṭisandhikkhaṇe avitakkaavicāro Eko khandho tiṇṇannaṃ khandhānaṃ kaṭattā ca rūpānaṃ dve khandhā dvinnaṃ khandhānaṃ kaṭattā ca rūpānaṃ vicāro kaṭattārūpānaṃ khandhā vatthussa vatthu khandhānaṃ vicāro vatthussa vatthu vicārassa ekaṃ mahābhūtaṃ tiṇṇannaṃ mahābhūtānaṃ mahābhūtā cittasamuṭṭhānānaṃ rūpānaṃ kaṭattārūpānaṃ upādārūpānaṃ bāhiraṃ ... āhārasamuṭṭhānaṃ ... Utusamuṭṭhānaṃ ... asaññasattānaṃ ekaṃ mahābhūtaṃ ... mahābhūtā kaṭattārūpānaṃ upādārūpānaṃ sahajātapaccayena paccayo.