[256] Savitakkasavicāro ca avitakkavicāramatto ca avitakkaavicāro ca dhammā savitakkasavicārassa dhammassa aññamaññapaccayena paccayo paṭisandhikkhaṇe savitakkasavicāro eko khandho ca vitakko ca vatthu ca tiṇṇannaṃ khandhānaṃ aññamaññapaccayena paccayo dve khandhā ca vitakko ca vatthu ca dvinnaṃ khandhānaṃ aññamaññapaccayena paccayo.

[257] Savitakkasavicāro dhammo savitakkasavicārassa dhammassa nissayapaccayena paccayo savitakkasavicāro eko khandho tiṇṇannaṃ khandhānaṃ . saṅkhittaṃ . satta . avitakkavicāramatto dhammo avitakka- vicāramattassa dhammassa nissayapaccayena paccayo. Saṅkhittaṃ. Pañca.

[258] Avitakkaavicāro dhammo avitakkaavicārassa dhammassa nissayapaccayena paccayo avitakkaavicāro eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo dve khandhā dvinnaṃ khandhānaṃ cittasamuṭṭhānānañca rūpānaṃ nissayapaccayena paccayo vicāro cittasamuṭṭhānānaṃ rūpānaṃ nissayapaccayena paccayo paṭisandhikkhaṇe avitakkaavicāro eko khandho tiṇṇannaṃ khandhānaṃ Kaṭattā ca rūpānaṃ nissayapaccayena paccayo dve khandhā dvinnaṃ khandhānaṃ . saṅkhittaṃ . asaññasattā ekaṃ mahābhūtaṃ ... cakkhāyatanaṃ cakkhuviññāṇassa kāyāyatanaṃ kāyaviññāṇassa vatthu avitakka- avicārānaṃ khandhānaṃ vicārassa ca nissayapaccayena paccayo.

[259] Avitakkaavicāro dhammo savitakkasavicārassa dhammassa nissayapaccayena paccayo vatthu savitakkasavicārānaṃ khandhānaṃ nissayapaccayena paccayo paṭisandhikkhaṇe vatthu ....