[272] Savitakkasavicāro ca avitakkavicāramatto ca avitakkaavicāro ca dhammā savitakkasavicārassa dhammassa ... avitakkaavicārassa dhammassa nissayapaccayena paccayo. Dve vārā vitthāretabbā.

[273] Savitakkasavicāro dhammo savitakkasavicārassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: savitakkasavicāraṃ saddhaṃ upanissāya dānaṃ deti sīlaṃ samādiyati uposathakammaṃ karoti savitakkasavicāraṃ jhānaṃ uppādeti vipassanaṃ uppādeti maggaṃ .pe. samāpattiṃ uppādeti mānaṃ jappeti diṭṭhiṃ gaṇhāti savitakkasavicāraṃ sīlaṃ ... Sutaṃ cāgaṃ paññaṃ rāgaṃ dosaṃ mohaṃ mānaṃ diṭṭhiṃ ... Patthanaṃ upanissāya dānaṃ deti sīlaṃ samādiyati uposathakammaṃ karoti savitakkasavicāraṃ jhānaṃ uppādeti vipassanaṃ uppādeti maggaṃ ... samāpattiṃ ... pāṇaṃ hanati saṅghaṃ bhindati savitakkasavicārā saddhā ... sīlaṃ sutaṃ cāgo paññā rāgo doso moho māno diṭṭhi ... patthanā savitakkasavicārāya saddhāya sīlassa sutassa cāgassa paññāya rāgassa dosassa mohassa mānassa diṭṭhiyā patthanāya upanissayapaccayena paccayo.

[274] Savitakkasavicāro dhammo avitakkavicāramattassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: savitakkasavicāraṃ saddhaṃ upanissāya avitakkavicāramattaṃ jhānaṃ uppādeti maggaṃ ... Samāpattiṃ ... Savitakkasavicāraṃ Savicāraṃ sīlaṃ . saṅkhittaṃ . patthanaṃ upanissāya avitakkavicāramattaṃ jhānaṃ uppādeti maggaṃ ... samāpattiṃ ... Savitakkasavicārā saddhā ... Patthanā avitakkavicāramattā saddhāya sīlassa sutassa cāgassa paññāya vitakkassa ca upanissayapaccayena paccayo.

[275] Savitakkasavicāro dhammo avitakkaavicārassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: savitakkasavicāraṃ saddhaṃ upanissāya avitakkaavicāraṃ jhānaṃ uppādeti maggaṃ ... Abhiññaṃ ... Samāpattiṃ uppādeti savitakkasavicāraṃ sīlaṃ ... patthanaṃ upanissāya avitakkaavicāraṃ jhānaṃ uppādeti maggaṃ ... Abhiññaṃ ... samāpattiṃ uppādeti savitakkasavicārā saddhā. Saṅkhittaṃ. Patthanā avitakkaavicārāya saddhāya sīlassa sutassa cāgassa paññāya vicārassa ca kāyikassa sukhassa kāyikassa dukkhassa upanissayapaccayena paccayo.