[284] Avitakkaavicāro dhammo savitakkasavicārassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: avitakkaavicāraṃ saddhaṃ upanissāya dānaṃ deti sīlaṃ samādiyati uposathakammaṃ karoti savitakkasavicāraṃ Jhānaṃ uppādeti vipassanaṃ ... maggaṃ ... samāpattiṃ uppādeti mānaṃ jappeti diṭṭhiṃ gaṇhāti avitakkaavicāraṃ sīlaṃ ... sutaṃ cāgaṃ paññaṃ vicāraṃ kāyikaṃ sukhaṃ kāyikaṃ dukkhaṃ utuṃ bhojanaṃ ... senāsanaṃ upanissāya dānaṃ deti sīlaṃ samādiyati uposathakammaṃ karoti savitakkasavicāraṃ jhānaṃ uppādeti vipassanaṃ ... maggaṃ ... samāpattiṃ uppādeti pāṇaṃ hanati saṅghaṃ bhindati avitakkaavicārā saddhā . Saṅkhittaṃ . senāsanaṃ savitakkasavicārāya saddhāya sīlassa .pe. Patthanāya upanissayapaccayena paccayo.

[285] Avitakkaavicāro dhammo avitakkavicāramattassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: avitakkaavicāraṃ saddhaṃ upanissāya avitakkavicāramattaṃ jhānaṃ uppādeti vipassanaṃ ... maggaṃ ... Samāpattiṃ uppādeti avitakkaavicāraṃ sīlaṃ ... senāsanaṃ upanissāya avitakka- vicāramattaṃ jhānaṃ uppādeti vipassanaṃ ... Maggaṃ ... samāpattiṃ uppādeti avitakkaavicārā saddhā ... senāsanaṃ avitakkavicāra- mattāya saddhāya sīlassa sutassa cāgassa paññāya vitakkassa ca upanissayapaccayena paccayo.

[286] Avitakkaavicāro dhammo avitakkavicāramattassa ca avitakka- avicārassa ca dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: Avitakkaavicārā saddhā ... Senāsanaṃ avitakkavicāramattāya saddhāya sīlassa sutassa cāgassa paññāya vicārassa ca upanissayapaccayena paccayo.

[287] Avitakkaavicāro dhammo savitakkasavicārassa ca avitakkavicāramattassa ca dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: avitakkaavicārā saddhā ... senāsanaṃ savitakkasavicārāya saddhāya sīlassa patthanāya vitakkassa ca upanissayapaccayena paccayo.