[308] Savitakkasavicāro dhammo savitakkasavicārassa dhammassa āsevanapaccayena paccayo purimā purimā savitakkasavicārā khandhā pacchimānaṃ pacchimānaṃ savitakkasavicārānaṃ khandhānaṃ āsevanapaccayena paccayo anulomaṃ gotrabhussa anulomaṃ vodānassa gotrabhu savitakkasavicārassa maggassa vodānaṃ savitakkasavicārassa maggassa āsevanapaccayena paccayo.

[309] Savitakkasavicāro dhammo avitakkavicāramattassa dhammassa āsevanapaccayena paccayo purimā purimā savitakkasavicārā khandhā pacchimassa pacchimassa vitakkassa āsevanapaccayena paccayo avitakka- vicāramattassa jhānassa parikammaṃ avitakkavicāramattassa jhānassa āsevanapaccayena paccayo gotrabhu avitakkavicāramattassa maggassa āsevanapaccayena paccayo vodānaṃ avitakkavicāramattassa maggassa āsevanapaccayena paccayo.

[310] Savitakkasavicāro dhammo avitakkaavicārassa dhammassa āsevanapaccayena paccayo dutiyassa jhānassa parikammaṃ dutiye jhāne vicārassa āsevanapaccayena paccayo tatiyassa jhānassa parikammaṃ tatiyassa jhānassa catutthassa jhānassa parikammaṃ catutthassa Jhānassa ākāsānañcāyatanassa parikammaṃ ākāsānañcāyatanassa viññāṇañcāyatanassa parikammaṃ viññāṇañcāyatanassa ākiñcaññāyatanassa parikammaṃ ākiñcaññāyatanassa nevasaññā- nāsaññāyatanassa parikammaṃ nevasaññānāsaññāyatanassa dibbassa cakkhussa parikammaṃ dibbassa cakkhussa dibbāya sotadhātuyā parikammaṃ dibbāya sotadhātuyā iddhividhañāṇassa .pe. cetopariyañāṇassa .pe. Pubbenivāsānussatiñāṇassa parikammaṃ pubbenivāsānussatiñāṇassa .pe. yathākammūpagañāṇassa .pe. anāgataṃsañāṇassa parikammaṃ .pe. Gotrabhu avitakkaavicārassa maggassa vicārassa ca vodānaṃ avitakka- avicārassa maggassa vicārassa ca āsevanapaccayena paccayo.

[311] Savitakkasavicāro dhammo avitakkavicāramattassa ca avitakka- avicārassa ca dhammassa āsevanapaccayena paccayo avitakkavicāramattassa jhānassa parikammaṃ avitakkavicāramattassa jhānassa vicārassa ca āsevana- paccayena paccayo gotrabhu avitakkavicāramattassa maggassa vicārassa ca vodānaṃ avitakkavicāramattassa maggassa vicārassa ca āsevanapaccayena paccayo.