[336] Avitakkavicāramatto dhammo avitakkavicāramattassa dhammassa kammapaccayena paccayo sahajātā nānākhaṇikā . sahajātā: Avitakkavicāramattā cetanā sampayuttakānaṃ khandhānaṃ kammapaccayena paccayo paṭisandhikkhaṇe ... . nānākhaṇikā: avitakkavicāramattā cetanā vipākānaṃ avitakkavicāramattānaṃ khandhānaṃ kammapaccayena paccayo.

[337] Avitakkavicāramatto dhammo avitakkaavicārassa dhammassa kammapaccayena paccayo sahajātā nānākhaṇikā . sahajātā: avitakkavicāramattā cetanā vicārassa cittasamuṭṭhānānañca rūpānaṃ kammapaccayena paccayo paṭisandhikkhaṇe avitakkavicāramattā cetanā vipākassa vicārassa ca kaṭattā ca rūpānaṃ kammapaccayena paccayo . Nānākhaṇikā: avitakkavicāramattā cetanā vipākassa vicārassa ca kaṭattā ca rūpānaṃ kammapaccayena paccayo.

[338] Avitakkavicāramatto dhammo avitakkavicāramattassa ca avitakkaavicārassa ca dhammassa kammapaccayena paccayo sahajātā nānākhaṇikā . sahajātā: avitakkavicāramattā cetanā sampayuttakānaṃ khandhānaṃ vicārassa ca cittasamuṭṭhānānañca rūpānaṃ kammapaccayena paccayo paṭisandhikkhaṇe avitakkavicāramattā cetanā sampayuttakānaṃ khandhānaṃ vicārassa ca kaṭattā ca rūpānaṃ kammapaccayena paccayo . Nānākhaṇikā: avitakkavicāramattā cetanā vipākānaṃ avitakka- vicāramattānaṃ khandhānaṃ vicārassa ca kaṭattā ca rūpānaṃ kammapaccayena paccayo.

[339] Avitakkaavicāro dhammo avitakkaavicārassa dhammassa Kammapaccayena paccayo sahajātā nānākhaṇikā . sahajātā: avitakkaavicārā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo paṭisandhikkhaṇe avitakkaavicārā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo . nānākhaṇikā: avitakkaavicārā cetanā vipākānaṃ avitakkaavicārānaṃ khandhānaṃ kaṭattā ca rūpānaṃ kammapaccayena paccayo.