[500] Noganthaṃ dhammaṃ paṭicca nogantho dhammo uppajjati nahetupaccayā: ahetukaṃ noganthaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ahetukapaṭisandhi yāva asaññasattā vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

[501] Ganthaṃ dhammaṃ paṭicca nogantho dhammo uppajjati naārammaṇapaccayā: ganthe paṭicca cittasamuṭṭhānaṃ rūpaṃ . noganthaṃ dhammaṃ paṭicca nogantho dhammo uppajjati naārammaṇapaccayā: Noganthe khandhe paṭicca cittasamuṭṭhānaṃ rūpaṃ paṭisandhi yāva asaññasattā . ganthañca noganthañca dhammaṃ paṭicca nogantho dhammo uppajjati naārammaṇapaccayā: ganthe ca sampayuttake ca khandhe paṭicca cittasamuṭṭhānaṃ rūpaṃ . saṅkhittaṃ . naadhipatipaccayā: nava . naanantarapaccayā: tīṇi . nasamanantarapaccayā: tīṇi . Naaññamaññapaccayā: tīṇi. Naupanissayapaccayā: tīṇi.

[502] Ganthaṃ dhammaṃ paṭicca gantho dhammo uppajjati napurejātapaccayā: arūpe idaṃsaccābhinivesaṃ kāyaganthaṃ paṭicca abhijjhā kāyagantho abhijjhā kāyaganthaṃ paṭicca idaṃsaccābhiniveso kāyagantho . Arūpe sīlabbataparāmāso natthi evaṃ nava pañhā kātabbā . Napacchājātapaccayā: nava . naāsevanapaccayā: nava . nakammapaccayā: tīṇi . navipākapaccayā: nava. Naāhārapaccayā: ekaṃ. Naindriyapaccayā: ekaṃ . najhānapaccayā: ekaṃ . namaggapaccayā: ekaṃ . Nasampayuttapaccayā: tīṇi . navippayuttapaccayā: nava . nonatthipaccayā: tīṇi. Novigatapaccayā: tīṇi.

[503] Nahetuyā ekaṃ naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte nava napacchājāte nava naāsevane nava nakamme tīṇi navipāke nava naāhāre ekaṃ naindriye ekaṃ najhāne ekaṃ namagge ekaṃ nasampayutte Tīṇi navippayutte nava nonatthiyā tīṇi novigate tīṇi.