[550] Ganthasampayutto dhammo ganthasampayuttassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: ganthasampayuttā khandhā ganthasampayuttānaṃ khandhānaṃ upanissayapaccayena paccayo . mūlaṃ Pucchittabbaṃ tīṇipi upanissayā ganthasampayuttā khandhā ganthavippayuttānaṃ khandhānaṃ upanissayapaccayena paccayo. {550.1} Mūlaṃ pucchitabbaṃ tīṇipi upanissayā ganthasampayuttā khandhā diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo domanassasahagatānaṃ khandhānaṃ paṭighassa ca upanissayapaccayena paccayo. {550.2} Ganthavippayutto dhammo ganthavippayuttassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: saddhaṃ upanissāya dānaṃ deti .pe. samāpattiṃ uppādeti mānaṃ jappeti sīlaṃ ... .pe. Paññaṃ rāgaṃ dosaṃ mohaṃ mānaṃ patthanaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... senāsanaṃ upanissāya dānaṃ deti .pe. samāpattiṃ uppādeti pāṇaṃ hanati .pe. saṅghaṃ bhindati saddhā .pe. Paññā rāgo .pe. patthanā senāsanaṃ saddhāya .pe. Paññāya rāgassa dosassa mohassa mānassa patthanāya upanissayapaccayena paccayo. {550.3} Ganthavippayutto dhammo ganthasampayuttassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: saddhaṃ upanissāya mānaṃ jappeti diṭṭhiṃ gaṇhāti sīlaṃ ... .pe. Paññaṃ rāgaṃ .pe. Mānaṃ patthanaṃ ... Senāsanaṃ upanissāya pāṇaṃ hanati .pe. Saṅghaṃ bhindati saddhā .pe. Senāsanaṃ rāgassa Dosassa mohassa mānassa diṭṭhiyā patthanāya upanissayapaccayena paccayo. {550.4} Ganthavippayutto dhammo ganthasampayuttassa ca ganthavippayuttassa ca dhammassa upanissayapaccayena paccayo: tīṇi saddhaṃ upanissāya mānaṃ jappeti sīlaṃ ... .pe. paññaṃ rāgaṃ dosaṃ mohaṃ mānaṃ patthanaṃ kāyikaṃ sukhaṃ ... senāsanaṃ upanissāya pāṇaṃ hanati .pe. saṅghaṃ bhindati saddhā .pe. paññā rāgo doso moho māno patthanā senāsanaṃ diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca upanissayapaccayena paccayo. {550.5} Ganthasampayutto ca ganthavippayutto ca dhammā ganthasampayuttassa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. Pakatūpanissayo: diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca ganthasampayuttānaṃ khandhānaṃ upanissayapaccayena paccayo. {550.6} Mūlaṃ pucchitabbaṃ diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca ganthavippayuttānaṃ khandhānaṃ diṭṭhigatavippayuttassa lobhassa ca paṭighassa ca upanissayapaccayena paccayo . mūlaṃ pucchitabbaṃ diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca diṭṭhigatavippayutta- lobhasahagatānaṃ khandhānaṃ lobhassa ca domanassasahagatānaṃ khandhānaṃ Paṭighassa ca upanissayapaccayena paccayo.