[158] Nahetu sahetuko dhammo nahetu sahetukassa dhammassa Sampayuttapaccayena paccayo: nahetu sahetuko eko khandho tiṇṇannaṃ ... paṭisandhikkhaṇe ... . nahetu ahetuko dhammo nahetu ahetukassa dhammassa sampayuttapaccayena paccayo: nahetu ahetuko eko khandho tiṇṇannaṃ ... Paṭisandhi.

[159] Nahetu sahetuko dhammo nahetu ahetukassa dhammassa vippayuttapaccayena paccayo: sahajātaṃ pacchājātaṃ . sahajātā: nahetū sahetukā khandhā cittasamuṭṭhānānaṃ rūpānaṃ vippayuttapaccayena paccayo: paṭisandhikkhaṇe ... . pacchājātā: nahetū sahetukā khandhā purejātassa imassa kāyassa vippayuttapaccayena paccayo. {159.1} Nahetu ahetuko dhammo nahetu ahetukassa dhammassa vippayuttapaccayena paccayo: sahajātaṃ purejātaṃ pacchājātaṃ . Sahajātā: nahetū ahetukā khandhā cittasamuṭṭhānānaṃ rūpānaṃ vippayuttapaccayena paccayo paṭisandhikkhaṇe khandhā vatthussa vippayuttapaccayena paccayo vatthu khandhānaṃ vippayuttapaccayena paccayo . purejātaṃ: cakkhāyatanaṃ cakkhuviññāṇassa kāyāyatanaṃ kāyaviññāṇassa vatthu nahetu ahetukānaṃ khandhānaṃ vippayuttapaccayena paccayo: . pacchājātā: nahetū ahetukā khandhā purejātassa imassa kāyassa vippayuttapaccayena paccayo. {159.2} Nahetu ahetuko dhammo nahetu sahetukassa dhammassa vippayuttapaccayena paccayo: sahajātaṃ purejātaṃ . Sahajātaṃ: paṭisandhikkhaṇe vatthu nahetu sahetukānaṃ khandhānaṃ vippayuttapaccayena paccayo. Purejātaṃ: Vatthu nahetu sahetukānaṃ khandhānaṃ vippayuttapaccayena paccayo.

[160] Nahetu sahetuko dhammo nahetu sahetukassa dhammassa atthipaccayena paccayo: nahetu sahetuko eko khandho tiṇṇannaṃ ... Paṭisandhikkhaṇe ... . nahetu sahetuko dhammo nahetu ahetukassa dhammassa atthipaccayena paccayo: sahajātaṃ pacchājātaṃ. Peyyālaṃ. Nahetu sahetuko dhammo nahetu sahetukassa ca nahetu ahetukassa ca dhammassa atthipaccayena paccayo: nahetu sahetuko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo: paṭisandhikkhaṇe .... {160.1} Nahetu ahetuko dhammo nahetu ahetukassa dhammassa atthipaccayena paccayo: sahajātaṃ purejātaṃ pacchājātaṃ āhāraṃ indriyaṃ . sahajāto: nahetu ahetuko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo: yāva asaññasattā . purejātaṃ: cakkhuṃ ... vatthuṃ aniccato ... Domanassaṃ uppajjati rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa cakkhāyatanaṃ ... kāyāyatanaṃ kāyaviññāṇassa vatthu nahetu ahetukānaṃ khandhānaṃ atthipaccayena paccayo. Pacchājātā: nahetū ahetukā khandhā purejātassa imassa kāyassa kabaḷiṃkāro āhāro imassa kāyassa rūpajīvitindriyaṃ kaṭattārūpānaṃ atthipaccayena paccayo. {160.2} Nahetu ahetuko dhammo nahetu sahetukassa dhammassa atthipaccayena paccayo: sahajātaṃ purejātaṃ . sahajātaṃ: paṭisandhikkhaṇe Vatthu nahetu sahetukānaṃ khandhānaṃ atthipaccayena paccayo . purejātaṃ: cakkhuṃ ... vatthuṃ aniccato ... Domanassaṃ uppajjati kusalākusale niruddhe nahetu sahetuko vipāko tadārammaṇatā uppajjati . nahetu sahetuko ca nahetu ahetuko ca dhammā nahetu sahetukassa dhammassa atthipaccayena paccayo: sahajātaṃ purejātaṃ . Sahajāto: nahetu sahetuko eko khandho ca vatthu ca tiṇṇannaṃ khandhānaṃ ... paṭisandhikkhaṇe nahetu sahetuko eko khandho ca vatthu ca tiṇṇannaṃ .... {160.3} Nahetu sahetuko ca nahetu ahetuko ca dhammā nahetu ahetukassa dhammassa atthipaccayena paccayo: sahajātaṃ pacchājātaṃ āhāraṃ indriyaṃ . sahajātā: nahetū sahetukā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo . pacchājātā: nahetū sahetukā khandhā ca kabaḷiṃkāro āhāro ca imassa kāyassa atthipaccayena paccayo pacchājātā: nahetū sahetukā khandhā ca rūpajīvitindriyañca kaṭattārūpānaṃ atthipaccayena paccayo.