[225] Sappaṭighaṃ dhammaṃ paṭicca sappaṭigho dhammo uppajjati nahetupaccayā: tīṇi . appaṭighaṃ dhammaṃ paṭicca appaṭigho dhammo uppajjati hetupaccayā: ahetukaṃ appaṭighaṃ ekaṃ khandhaṃ paṭicca tayo khandhā appaṭighaṃ cittasamuṭṭhānañca rūpaṃ dve khandhe ... Ahetukapaṭisandhikkhaṇe khandhe paṭicca vatthu vatthuṃ paṭicca khandhā āpodhātuṃ paṭicca appaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca itthindriyaṃ kabaḷiṃkāro āhāro bāhiraṃ ... Āhārasamuṭṭhānaṃ ... utusamuṭṭhānaṃ ... asaññasattānaṃ āpodhātuṃ paṭicca appaṭighaṃ kaṭattārūpaṃ upādārūpaṃ vicikicchāsahagate uddhaccasahagate khandhe paṭicca vicikicchāsahagato uddhaccasahagato moho . Appaṭighamūlakaṃ itarepi dve pañhā kātabbā ghaṭanepi tīṇi pañhā kātabbā ajjhattikā bāhirā mahābhūtā sabbe jānitvā kātabbā.

[226] Sappaṭighaṃ dhammaṃ paṭicca sappaṭigho dhammo uppajjati naārammaṇapaccayā:. Sabbaṃ saṅkhittaṃ. Novigatapaccayā:.

[227] Nahetuyā nava naārammaṇe nava naadhipatiyā nava naanantare nava nasamanantare nava naaññamaññe nava naupanissaye nava napurejāte nava napacchājāte nava naāsevane nava nakamme nava navipāke nava naāhāre nava naindriye nava najhāne nava namagge nava nasampayutte nava navippayutte Nava nonatthiyā nava novigate nava. Paccanīyaṃ niṭṭhitaṃ.

[228] Hetupaccayā naārammaṇe nava ... naadhipatiyā nava naanantare nava nasamanantare nava naaññamaññe nava naupanissaye nava napurejāte nava napucchājāte nava naāsevane nava nakamme ekaṃ navipāke nava nasampayutte nava navippayutte ekaṃ nonatthiyā nava novigate nava. Anulomapaccanīyaṃ niṭṭhitaṃ.