[767] Kusalaṃ kilesavippayuttaṃ saṅkilesikaṃ dhammaṃ paṭicca kusalo kilesavippayutto saṅkilesiko dhammo uppajjati hetupaccayā: kusalaṃ kilesavippayuttaṃ saṅkilesikaṃ dhammaṃ paṭicca abyākato kilesavippayutto saṅkilesiko dhammo uppajjati hetupaccayā: kusalaṃ kilesavippayuttaṃ saṅkilesikaṃ dhammaṃ paṭicca kusalo kilesavippayutto saṅkilesiko ca Abyākato kilesavippayutto saṅkilesiko ca dhammā uppajjanti hetupaccayā: . abyākataṃ kilesavippayuttaṃ saṅkilesikaṃ dhammaṃ paṭicca abyākato kilesavippayutto saṅkilesiko dhammo uppajjati hetupaccayā:. Kusalaṃ kilesavippayuttaṃ saṅkilesikañca abyākataṃ kilesavippayuttaṃ saṅkilesikañca dhammaṃ paṭicca abyākato kilesavippayutto saṅkilesiko dhammo uppajjati hetupaccayā:.

[768] Hetuyā pañca ārammaṇe dve avigate pañca. Sahajātavāropi sampayuttavāropi paṭiccavārasadisā.

[769] Kusalo kilesavippayutto saṅkilesiko dhammo kusalassa kilesavippayuttassa saṅkilesikassa dhammassa hetupaccayena paccayo: tīṇi . abyākato kilesavippayutto saṅkilesiko dhammo abyākatassa kilesavippayuttassa saṅkilesikassa dhammassa hetupaccayena paccayo:.

[770] Hetuyā cattāri ārammaṇe cattāri adhipatiyā cattāri avigate satta. Yathā kusalattike pañhāvārampi evaṃ vitthāretabbaṃ.