[501] Hetupaccayā naārammaṇe tīṇi.

[502] Nahetupaccayā adhipatiyā tīṇi. Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ evaṃ gaṇetabbaṃ. --------- Paṭiccavāro

[503] Hetuṃ asekkhaṃ dhammaṃ paṭicca hetu asekkho dhammo uppajjati hetupaccayā: tīṇi . nahetuṃ asekkhaṃ dhammaṃ paṭicca nahetu asekkho dhammo uppajjati hetupaccayā: tīṇi . hetuṃ asekkhañca nahetuṃ asekkhañca dhammaṃ paṭicca hetu asekkho dhammo uppajjati hetupaccayā: tīṇi.

[504] Hetuyā nava ārammaṇe nava adhipatiyā nava anantare nava samanantare nava sahajāte nava aññamaññe nava nissaye nava upanissaye nava purejāte nava kamme nava vipāke nava avigate nava.